Inter Frendrup transferini moliyaviy shartlar bilan ko‘rib chiqmoqda
Inter jamoasi yangi mavsum oldidan yarim himoya chizig‘ini kuchaytirish uchun turli imkoniyatlarni ko‘rib chiqmoqda. Bu haqida Euro-football.ru xabar berdi.
Italiyadagi mashhur sport nashrlarining xabariga ko‘ra, klubning asosiy ro‘yxatida Genuya jamoasida to‘p surayotgan Morten Frendrup bor. 24 yoshli Daniya futbolchisi Inter tarkibidan ketishi ehtimoli bor bo‘lgan Piotr Zelinskiyga o‘rinbosar sifatida ko‘rilmoqda.
Morten Frendrupning transfer qiymati taxminan 20 million yevro atrofida baholanmoqda. Biroq, Inter ushbu transferni amalga oshirish uchun avvalo joriy tarkibdagi bir futbolchini sotishga majbur.
Bu orqali klub nafaqat yangi futbolchi uchun joy bo‘shatadi, balki byudjet masalasini ham tartibga soladi. Klub rahbariyati transfer siyosatini moliyaviy imkoniyatlardan kelib chiqib olib bormoqda.
Inter muxlislari esa yangi mavsumda jamoa raqobatbardosh bo‘lishi uchun kuchli futbolchilar kelishini kutmoqda. Shu sababli, klubning transfer bozoridagi harakati diqqat bilan kuzatilmoqda.
