Slishkovich: Kubok formati yangi imkoniyatlar yaratadi
«Orenburg» jamoasining bosh murabbiyi Vladimir Slishkovich «Rubin»ga qarshi o‘yin oldidan «Match TV»ga o‘z fikrlarini bildirdi. Bu haqida Euro-football.ru xabar berdi.
- Bu mavsumda jamoangiz uchun birinchi marta tabiiy gazonda o‘ynaysiz. Bu holat «Orenburg» uchun muammo bo‘lib qolmaydimi?
- Menimcha, yo‘q. Nima uchun deganda, men bu yerda hech qanday muammo ko‘rmayapman.
- Demak, «Orenburg»ni sun’iy gazonli jamoa sifatida qabul qilish to‘g‘ri emas. Tabiiy maydonda ham hammasi joyida bo‘ladi, shundaymi?
- O‘tgan yili uy o‘yinlarida nechta ochko to‘pladik? Bu holat o‘zgarmaydi.
Futbolda maydon, to‘p yoki etik sabab emas. Kim o‘ynashni bilsa, o‘ynaydi.
Bilmasa, natija ham shunga yarasha bo‘ladi. - Ikki oy avval bu stadionda, 30-turda siz allaqachon ligadan chiqib ketgan edingiz.
O‘shanda va hozirgi jamoani solishtirsak, qaysi biri kuchliroq? - Jamoamizda haligacha ko‘plab savollar bor.
Shaxsan menga bu o‘yin juda muhim, chunki kamroq o‘yin amaliyotiga ega futbolchilarga imkon beriladi. Bu ular va biz uchun muhim.
Futbolchilar qancha ko‘p o‘ynasa, chempionatga shuncha yaxshi tayyor bo‘lishadi. Hozirgi jamoani o‘sha davrdagi jamoa yoki «Rubin» bilan solishtirish to‘g‘ri emas.
Hozir Kubok bahslari, u paytda esa chempionat edi. Shuning uchun taqqoslash qiyin.
- «Orenburg» uchun tarkibning unchalik katta emasligini hisobga olsak, chempionat va Kubokda bir vaqtning o‘zida ishtirok etish qiyin emasmi? - Yo‘q, bizda futbolchilar soni yetarli.
Qiyinchilik haqida gapira olmayman. Men bir necha bor aytganman, bu Kubok formati menga juda yoqadi.
U orqali futbolchilarga o‘zini ko‘rsatish va chempionatda ishonch bildirish mumkin bo‘lgan o‘yinchilarni aniqlash uchun qo‘shimcha imkoniyatlar yaratiladi.
