Barselona klubi mavsumoldi tayyorgarlik doirasida Seul jamoasi bilan o‘rtoqlik uchrashuvi o‘tkazdi va ushbu bahsda 7:3 hisobida zafar quchdi. Bu haqida Euro-football.ru xabar berdi.
Uchrashuv klub telekanali orqali jonli efirda namoyish qilindi. O‘yin davomida sharhlovchi Real Madrid klubi sobiq futbolchisi Luka Modrich haqida hazilomuz fikr bildirdi.
Sharhlovchining so‘zlariga ko‘ra, Luka Modrich o‘z faoliyati davomida munosib e’tirofga sazovor bo‘lgan. Uning so‘nggi muhim harakati esa Ispaniya Kubogi finalida Barselona himoyachisi Jyul Kunde tomon uzatilgan to‘p bo‘ldi.
O‘sha bahsda Modrichning noaniq pasidan so‘ng Kunde to‘pni egallab oldi va qisqa fursatda gol urib, Barselonaga g‘alaba va sovrin keltirdi. Ma’lumot uchun, Luka Modrich joriy yozda Real Madrid safini tark etdi.
U klubda 13 yil faoliyat yuritdi va ko‘plab yutuqlarga erishdi. Endilikda xorvatiyalik futbolchi Italiyaning Milan jamoasida o‘ynaydi.
Shu tariqa, Modrich faoliyatini yangi bosqichda davom ettirmoqda.
