"Zenit" futbol klubi himoyachisi Robert Renan bu yozda transfer muzokaralarining markazida bo‘ldi. Bu haqida Euro-football.ru xabar berdi.
Braziliyaning "Baiya" klubi futbolchini o‘z safiga qo‘shib olish bo‘yicha barcha shartlarni kelishib, "Zenit" bilan kerakli hujjatlarni almashdi. Biroq, Globo nashrining xabar berishicha, kelishuv so‘nggi daqiqalarda bekor qilindi.
21 yoshli futbolchi o‘z fikrini o‘zgartirib, Yevropa klublaridan taklif kutishga qaror qildi. Shu bilan birga, "Zenit" klubi ham Robert Renanni boshqa jamoaga ijaraga berish imkoniyatini ko‘rib chiqmoqda.
Xususan, klub Turkiyaning "Beshiktash" jamoasi bilan muzokaralar olib bormoqda. O‘tgan mavsumda Robert Renan Sankt-Peterburg klubidan ijaraga o‘tgan holda Saudiya Arabistonining "Al-Shabab" klubida to‘p surgan edi.
Hozirda futbolchining kelajagi qanday bo‘lishi noma’lumligicha qolmoqda. Shu sababli, uning Yevropaga o‘tishi yoki boshqa klubga ijaraga berilishi masalasi yaqin orada aniqlik kiritilishi kutilmoqda.
