Modrich: Men Barselonadan ko‘proq Chempionlar ligasi yutganman

Barselona futbol klubi bu yozda Real Madrid jamoasini tark etgan Luka Modrich ustidan kuldi. Bu haqida Euro-football.ru xabar berdi.

Ma’lumki, Modrich Real safida o‘n uch yil davomida faoliyat olib bordi. Klubning rasmiy telekanali orqali efirga uzatilgan dasturda Modrichning o‘tgan mavsum Ispaniya Kubogi uchun o‘tkazilgan o‘yinda yo‘l qo‘ygan xatosi eslab o‘tildi va bu xato Barselonaga g‘alaba keltirgani ta’kidlandi.

Do‘stlari Luka Modrichga Barselona o‘yinining translyatsiyasidan parchani yuborishdi. Unda sharhlovchilar Modrich ustidan kulgan edi.

Luka bu holatga o‘z munosabatini bildirib, men ularning butun tarixidan ko‘ra ko‘proq Chempionlar ligasi yutganman, ular nima deyishidan qat’i nazar, men uchun ahamiyatsiz, deb javob berdi. Bu haqda Defensa Central nashri xabar berdi.

Ma’lumot uchun, Luka Modrich Real Madrid tarkibida Chempionlar ligasini olti marta qo‘lga kiritgan. Barselona esa o‘z tarixida ushbu sovrinni besh marta yutgan.

Shunday qilib, Barselona klubi Real Madrid afsonasi sanalgan Modrich ustidan kuldi, biroq futbolchi bunga befarq munosabat bildirdi.