Barselona va Real afsonalari sentabrda ikki bor to‘qnashadi
Barselona rasmiy sayti orqali madridlik Real jamoasining afsonalari bilan bo‘ladigan o‘yinlar haqida ma’lumot berdi. Bu haqida Euro-football.ru xabar berdi.
Sentabr oyida AQSHda afsonaviy futbolchilar ishtirokida ikki bor El-Klasiko uchrashuvi o‘tkaziladi. Birinchi o‘yin Nyu-Jersi shahrida 9 sentabr kuni, ikkinchisi esa Florida shtatida 13 sentabr kuni bo‘lib o‘tadi.
Barselona afsonalari tarkibida Rivaldo, Adriano, Klaudio Bravo va Paulino maydonga tushishi rejalashtirilgan. Shu ro‘yxatdagi Klaudio Bravo va Paulino uchun bu Barselona afsonalari safidagi ilk o‘yin bo‘ladi.
Kataloniyaliklar jamoaning to‘liq tarkibini keyinroq e’lon qilishini ma’lum qildi. Shuningdek, La Liga doirasida mavsumning birinchi El-Klasiko uchrashuvi oktabr oyining oxirida, Madrid shahrida o‘tkazilishi belgilangan.
O‘yin uchun asosiy sana 26 oktabr etib belgilangan, biroq aniq sana va boshlanish vaqti keyinchalik aniqlanadi. Ushbu uchrashuvlar futbol muxlislari uchun muhim voqealardan biri bo‘lishi kutilmoqda.
