Sobiq “Krasnodar” darvozaboni Andrey Sinitsyn “biklar”ning poytaxt jamoasi “Dinamo” ustidan qozongan g‘alabali o‘yini (1:0) haqidagi fikrlari bilan o‘rtoqlashdi. Bu haqida Euro-football.ru xabar berdi.
Krasnodar jamoasi safida yagona golni Jon Kordoba kiritdi. Sinitsynning so‘zlariga ko‘ra, ushbu uchrashuvda “Krasnodar” jamoasi hujumkorlikda ustunlik ko‘rsatdi va ko‘proq xavfli vaziyatlar yaratdi.
Uchrashuv natijasini futbolchilarning individual mahorati hal qildi. Jon Kordoba yana bir bor o‘zining yuqori saviyali futbolchi ekanini isbotladi.
Sinitsyn, shuningdek, “Dinamo” jamoasi hozirda shakllanish bosqichidan o‘tayotganini, yaqin orada bu jamoa o‘z o‘yin sifati bilan kuchayib borishini ta’kidladi. Mutaxassis fikricha, “Dinamo” joriy mavsum yuqori o‘rinlar uchun asosiy da’vogarlar qatoridan joy oladi.
Keyingi turda Valeriy Karpin boshchiligidagi jamoa Sochiga safar qiladi va shu nomdagi jamoaga qarshi bahs olib boradi. “Krasnodar” esa safarda “Orenburg” jamoasiga qarshi maydonga tushadi.
Har ikki uchrashuv 10-avgust kuni bo‘lib o‘tishi rejalashtirilgan.
