"Barselona" futbol klubi darvozaboni Mark-Andre ter Shtegen o‘z jarohati haqida La Liga uchun tayyorlangan hujjatni imzolashdan bosh tortdi. Bu haqida Euro-football.ru xabar berdi.
Ushbu hujjatda darvozabonning tiklanish muddati to‘rt oy etib belgilangan. Bu esa "Barselona"ga yangi futbolchini ro‘yxatdan o‘tkazish imkonini beradi.
Biroq ter Shtegen klub rahbariyatining bu taklifiga rozi bo‘lmadi. Bu haqda "Mundo Deportivo" nashri xabar bermoqda.
"Barselona" rahbariyati esa o‘z yuristlariga ushbu vaziyat bo‘yicha futbolchiga qanday choralar ko‘rish mumkinligini o‘rganishni topshirdi. Shuningdek, klub rahbariyati ter Shtegenni zaxira darvozaboni sifatida ham jamoada ko‘rmasligini va unga yangi jamoa topishni tavsiya qilganini avval ham bildirgan edi.
Shunga qaramay, ter Shtegen 2026-yilgi jahon chempionatidan oldin jamoani tark etishni istamayapti. Mazkur holat natijasida klub va futbolchi o‘rtasida kelishmovchilik yuzaga kelmoqda.
Endilikda tomonlar ushbu masalaga qanday yechim topishi hozircha noma’lum bo‘lib turibdi.
