Rossiya terma jamoasi sentabr oyida o‘rtoqlik uchrashuvi o‘tkazadigan raqibi aniq bo‘ldi. Bu haqida Euro-football.ru xabar berdi.
Valeriy Karpin boshchiligidagi Rossiya terma jamoasining navbatdagi raqibi Iordaniya terma jamoasi bo‘ladi. Bu haqda Rossiya terma jamoasining rasmiy axborot kanalida ma’lum qilindi.
Uchrashuv 4 sentabr kuni bo‘lib o‘tadi. Hozircha o‘yin qayerda va qaysi stadionda o‘tkazilishi haqida ma’lumot berilmagan.
Ushbu tafsilotlar keyinroq e’lon qilinishi kutilmoqda. Shu o‘rinda ta’kidlash joizki, Iordaniya terma jamoasi kelasi yili o‘tkaziladigan jahon chempionatida ishtirok etadi.
Mazkur musobaqa bir vaqtning o‘zida uchta davlatda – AQSH, Meksika va Kanadada bo‘lib o‘tadi. Eslatib o‘tamiz, Rossiya terma jamoasi o‘zining so‘nggi o‘rtoqlik uchrashuvini iyun oyida o‘tkazgan.
Ushbu bahsda Rossiya terma jamoasi Belarusga qarshi maydonga tushib, 4:1 hisobida yirik g‘alabaga erishgan edi.
