«Vulverxempton» hujumchisi Fabio Silva o‘tgan mavsumni «Las-Palmas» jamoasida ijarada o‘tkazdi. Bu haqida Euro-football.ru xabar berdi.
Hozirda u Germaniyaning «Borussiya Dortmund» klubiga o‘tishga ochiq. Bu haqda jurnalist Florian Plettenberg xabar berdi.
Manbaga ko‘ra, Fabio Silva Dortmund klubi sport direktori Sebastyan Kel va jamoa bosh murabbiyi Niko Kovach taqdim etgan loyihani ma’qul deb topgan. Ma’lum qilinishicha, «Borussiya» jamoasi futbolchi bilan 2030 yilgacha shartnoma tuzish bo‘yicha kelishuvga erishgan.
Endi esa Germaniya klubi «Vulverxempton» bilan transfer masalasida kelishib olishi kerak. 23 yoshli portugaliyalik futbolchi o‘tgan mavsum «Las-Palmas» safida 25 ta o‘yinda maydonga tushdi.
U ushbu o‘yinlarda o‘nta gol urdi va uchta golli uzatmaga mualliflik qildi. Fabio Silvaning faoliyati va natijalari Dortmund klubi uchun qiziqarli bo‘layotgani ta’kidlanmoqda.
Hozircha transfer masalasi bo‘yicha yakuniy qaror qabul qilinmagan.
