Akron legionerlar cheklovini kuchaytirishga munosabat bildirdi

Akron futbol klubi bosh direktori Konstantin Klyushev Rossiya futbolida legionerlar uchun cheklovlarni kuchaytirish masalasi haqida fikr bildirdi. Bu haqida Euro-football.ru xabar berdi.

Uning so‘zlariga ko‘ra, bunday qarorlarni qabul qilishda uzoq muddatli rejalashtirish va aniq yondashuv zarur. Hozirgi vaqtda esa har mavsumda qoidalar o‘zgarib turadi va bu holat klublar faoliyatiga salbiy ta’sir ko‘rsatmoqda.

Klyushevning aytishicha, Rossiya Premyer-ligasi klublari legionerlar sonini cheklash bo‘yicha kutilayotgan o‘zgarishlarga ijobiy munosabatda emaslar. Hozirda har bir klub mavsum uchun 13 legionerni ro‘yxatdan o‘tkazishi mumkin va ulardan 8 nafari bir vaqtning o‘zida maydonda harakat qilishi ruxsat etiladi.

Keyingi mavsumdan boshlab esa bu cheklovlarni kuchaytirish, ya’ni bir klubda 10 nafar legionerga ruxsat berish va maydonda 5-7 nafar xorijlik futbolchining ishtirokini belgilash taklif qilinmoqda. Klyushev bu kabi o‘zgarishlar klub rahbariyati va murabbiylar uchun qiyinchilik tug‘dirishini, futbolchilarning o‘sishi va jamoalarning raqobatbardoshligini pasaytirishi mumkinligini ta’kidladi.

U ushbu masalani chuqur o‘rganib, barcha tomonlarni inobatga olgan holda hal qilish zarurligini qayd etdi. Shu bilan birga, har qanday o‘zgarishlar oldindan rejalashtirilgan va izchil bo‘lishi kerakligini alohida urg‘uladi.