Litvaning “Jalgiris” futbol jamoasi hozirda og‘ir davrni boshdan kechirmoqda. Bu haqida Euro-football.ru xabar berdi.
Jamoa mamlakat chempionati turnir jadvalida yettinchi o‘rinda bormoqda. Klub muxlislari esa natijalardan norozi bo‘lib, jamoa bosh murabbiyi Vladimir Cheburinning iste’fosini talab qilmoqda.
Cheburin Qozog‘iston fuqarosi bo‘lib, uning boshchiligida “Jalgiris” yaqinda ketma-ket g‘alabalarga erishgan edi. Biroq so‘nggi paytda jamoa natijalari yomonlashdi va muxlislar sabr-toqatini yo‘qotdi.
Navbatdagi o‘yinning boshida “Jalgiris” muxlislari maydonga chamadonlar uloqtirib, murabbiyga iste’foga chiqish vaqti kelganini ochiq ko‘rsatishdi. Ular bu harakat orqali Cheburinga endi jamoani tark etish lozimligini bildirgan.
Biroq Cheburin hozircha lavozimini tark etmasdan, muxlislarning bu ishoralarini inkor qilmoqda. Shunga qaramay, uning atrofidagi vaziyat tobora murakkablashib bormoqda va Cheburinning iste’fosi masalasi kun tartibida qolmoqda.
Muxlislar va jamoa rahbariyati oldida jiddiy savollar paydo bo‘lgan.
