Husanov sabab O‘zbekiston Osiyoning yetakchi terma jamoalarini ortda qoldirdi
Xabaringiz bor, Transfermarkt portali APL futbolchilarining transfer narxini yangiladi. Unga ko‘ra, legionerimiz Abduqodir Husanov 35 million yevroga baholandi.
Bu bilan Husanovning avvalgi 12 million yevrolik transfer narxi salkam uch barobar yuqoriladi, ya’ni oldingi narxiga 23 million yevro qo‘shildi.
Husanov transfer narxining bu qadar yuqoriga ko‘tarilishi natijasida O‘zbekiston terma jamoasi Osiyoning bir nechta yetakchi terma jamoalarini ortda qoldirdi. Bular qatorida Qatar (23.13 mln), Avstraliya (23.75 mln) va BAA (30.65 mln) terma jamoalari.
Husanovning yangilangan transfer narxidan so‘ng O‘zbekiston milliy terma jamoasining umumiy qiymati 70 million yevroga yetdi. Mazkur o‘zgarishdan so‘ng O‘zbekiston Osiyodagi eng qimmat terma jamoalar ro‘yxatining 3-pog‘onasiga mustahkam joylashib oldi.
