Semak: Luis Enrike sog‘lom, mashg‘ulotlarga qaytdi

Sankt-Peterburgning "Zenit" futbol klubi bosh murabbiyi Sergey Semak jamoaning yetakchi futbolchilaridan biri bo‘lgan Luis Enrike sog‘lig‘i haqida ma’lumot berdi. Bu haqida Euro-football.ru xabar berdi.

Uning so‘zlariga ko‘ra, Enrike hozirgi vaqtda asosiy jamoa bilan birga mashg‘ulotlarda qatnashmoqda. Bosh murabbiy futbolchining to‘liq o‘yinga tayyorligi darajasini baholash uchun hali vaqt borligini ta’kidladi.

Semak, shuningdek, Enrikeninig maydonga tushishi aniq bo‘lsa-da, u qancha vaqt o‘ynashi keyinroq hal qilinishini bildirdi. Eslatib o‘tamiz, Luis Enrike joriy mavsumda hozircha faqat bir uchrashuvda ishtirok etdi.

U "Rostov"ga qarshi birinchi turda maydonga tushgan. Qolgan uchta o‘yinda esa futbolchi sog‘lig‘i sababli ishtirok eta olmadi.

Enrike Braziliyaning chempion jamoasi "Botafogo"dan "Zenit" klubiga 2025 yil qishida kelib qo‘shilgan. Uning transferi jamoa uchun muhim voqea bo‘lgan edi.

Klubda unga katta umid bog‘lanmoqda va tez orada to‘liq safga qaytishi kutilmoqda.