Ter Shtegen Laporta bilan muloqotsizlikdan norozi bo‘ldi

"Barselona" futbol klubi darvozaboni Mark-Andre ter Shtegen klub prezidenti Joan Laporta harakatlaridan norozi. Bu haqida Euro-football.ru xabar berdi.

Cadena SER xabariga ko‘ra, Laporta hozirgacha ter Shtegen bilan yuzma-yuz suhbat o‘tkazmagan va vaziyatga aniqlik kiritmagan. Ma’lum qilinishicha, ter Shtegen ochiq va aniq gaplarni eshitishni afzal biladi, klub rahbariyatining bevosita muloqotdan qochishi esa unga yoqmayapti.

Futbolchi o‘zining muxlislar oldidagi obro‘siga asossiz putur yetganini hisoblamoqda. Yaqinda "Barselona" ter Shtegenni jamoa sardorligi maqomidan vaqtincha chetlatdi.

Shu sababli, futbolchi ommaviy bayonot berishni o‘ylamoqda. Avvalroq esa ter Shtegen klub uchun tibbiy xulosani imzolashdan bosh tortgan.

Klub rahbariyati uning jarohatini uzoq muddatli deb tan olishni istamoqda, chunki La Liga qoidalariga ko‘ra, shunda ter Shtegenning maoshining bir qismini yangi futbolchini ro‘yxatdan o‘tkazish uchun ishlatish mumkin bo‘ladi. Bu holat futbolchi va klub o‘rtasida kelishmovchiliklarga sabab bo‘lmoqda.

Ter Shtegen esa barcha jarayonlarda ochiqlik va halollik bo‘lishini istaydi.