Abaskal: Batrakov hali Malkom va Promes darajasida emas
Ispaniyalik mutaxassis Gilyermo Abaskal Rossiyaning “Lokomotiv” jamoasi yarim himoyachisi Aleksey Batrakovning o‘yin darajasi haqida o‘z fikrini bildirdi. Bu haqida Euro-football.ru xabar berdi.
Mutaxassisning so‘zlariga ko‘ra, Batrakov kuchli futbolchi hisoblanadi, biroq u hali Malkom yoki Promes kabi mashhur futbolchilarning darajasiga yetmagan. Abaskal Batrakovdan o‘z ustida yana ko‘proq ishlashini va o‘zini yuqori saviyada namoyon qiladigan to‘liq bir mavsum o‘tkazishini kutmoqda.
Hozirgi Rossiya oliy ligasi mavsumida 20 yoshli yarim himoyachi to‘rtta uchrashuvda maydonga tushdi va olti bor raqib darvozasini ishg‘ol qildi. Batrakov hozirda mamlakat chempionatining eng yaxshi to‘purarlari safida yetakchilik qilmoqda.
Uning transfer narxi hozirda 12 million yevroga baholanmoqda. Bu natijalar yosh futbolchining salohiyatini ko‘rsatadi, biroq undan kelajakda yanada yuqori natijalar kutilmoqda.
Mutaxassislar Batrakovdan o‘z o‘yinini yanada rivojlantirib, chempionatda barqaror natijalar ko‘rsatishini kutishmoqda.
