Bulykin: Safonov uchun Yevropada o‘ynash foydaliroq
Rossiya terma jamoasining sobiq hujumchisi Dmitriy Bulykin Parijning PSJ klubi darvozaboni Matvey Safonov uchun qaysi davlatda faoliyatini davom ettirish yaxshiroq bo‘lishi mumkinligi haqida fikr bildirdi. Bu haqida Euro-football.ru xabar berdi.
Bulykinning so‘zlariga ko‘ra, agar Yevropa klublaridan taklif bo‘lsa, Safonov uchun Yevropada qolish ma’qulroq. Ayniqsa, Angliya chempionatidan imkoniyat paydo bo‘lsa, u yerga borish eng to‘g‘ri tanlov bo‘ladi.
Biroq hozirgi vaziyatda holat biroz murakkab va tushunarsiz bo‘lib turibdi, deya ta’kidladi Bulykin. Ma’lumot uchun, o‘tgan dam olish kunlari PSJ klubi Fransiyaning “Lill” jamoasidan qimmat narxda darvozabon Lyuk Shevaleni rasman sotib oldi.
Bundan tashqari, klub safida hozirgacha italiyalik tajribali darvozabon Janluiji Donnarumma ham bor. Shuningdek, jamoada ispan darvozaboni Arnau Tenas va 19 yoshli braziliyalik darvozabon Renatu Marin ham mavjud.
Shu sababli, PSJda darvozabonlar o‘rtasida raqobat kuchli bo‘lib, Safonov uchun asosiy tarkibda o‘ynash imkoniyati murakkab bo‘lishi mumkin. Shu bois, Bulykin Safonovga faoliyatini davom ettirish uchun eng yaxshi variantni tanlashni tavsiya qilmoqda.
