“Nyukasl” futbol klubi himoyachisi Kiran Trippyer faoliyatini Fransiya chempionatida davom ettirishi mumkin. Bu haqida Euro-football.ru xabar berdi.
“Monako” klubi ushbu futbolchiga qiziqish bildirmoqda. Bu haqda Sky Sport axborot manbasi xabar berdi.
Manbaga ko‘ra, “Monako” rahbariyati Trippyer transferi bo‘yicha “Nyukasl”ga rasmiy taklif tayyorlamoqda. Biroq, asosiy muammo shundaki, “Nyukasl” bosh murabbiyi Eddi Xau 34 yoshli himoyachini asosiy tarkib uchun muhim o‘yinchi deb hisoblaydi va uni jamoadan ketishini istamayapti.
O‘tgan mavsumda Kiran Trippyer “Nyukasl” safida 32 ta uchrashuvda maydonga tushdi va to‘rtta golli uzatmani amalga oshirdi. Uning klub bilan tuzgan shartnomasi kelasi yil yozda yakunlanadi.
Transfermarkt ma’lumotlariga ko‘ra, Trippyerning transfer narxi 4 million yevroga teng. Hozircha futbolchining yangi jamoaga o‘tishi yoki “Nyukasl”da qolishi borasida aniq qaror qabul qilinmagan.
Klub va futbolchi o‘rtasida muzokaralar davom etmoqda.
