Guberniyev: RPLda ish haqi chegarasi to‘g‘ri qaror
Rossiyalik sport sharhlovchisi Dmitriy Guberniyev Rossiya futbol chempionatida ish haqlari uchun yuqori chegara joriy etilishi haqidagi xabarga munosabat bildirdi. Bu haqida Euro-football.ru xabar berdi.
Avvalroq bu haqda insayder Ivan Karpov o‘zining ijtimoiy tarmoqlarda xabar bergan edi. Dmitriy Guberniyevning ta’kidlashicha, pul tabiiyki muhim va uni topishni har kim xohlaydi.
Biroq futbolchilarning ish haqlari va sarf-xarajatlari haddan tashqari oshib ketayotganida, bu holat sport vaziri hamda jamiyatda savollar tug‘diradi. Uning fikriga ko‘ra, hozirgi iqtisodiy sharoitda bunday taklifni o‘rtaga tashlash tabiiy va to‘g‘ri qaror hisoblanadi.
Bundan tashqari, Rossiya Premyer-ligasida legionerlar soniga ham cheklovlarni kuchaytirish rejalashtirilmoqda. Rossiya Federatsiyasi sport vaziri Mixail Degtyaryov yaqinda bergan bayonotida, tez orada rossiyalik klublar 10 nafar xorijlik futbolchini ro‘yxatdan o‘tkazishi, ulardan besh nafari bir vaqtning o‘zida maydonga tushishi mumkinligini aytdi.
Hozirda esa RPLda “13+8” formulasi amal qilmoqda. Bu kabi o‘zgarishlar mamlakat futbolining rivojlanishi va iqtisodiy barqarorligiga xizmat qilishi kutilmoqda.
