Bystrov: Maosh chegarasi Rossiya futboliga mos emas
Sobiq mashhur futbolchi Vladimir Bystrov Rossiya Premyer-ligasida maoshlar uchun yuqori chegarani joriy etish bo‘yicha taklif etilayotgan islohotga o‘z munosabatini bildirdi. Bu haqida Euro-football.ru xabar berdi.
Avvalroq bu yangilik haqida jurnalist Ivan Karpov ham ma’lumot bergan edi. Bystrovning ta’kidlashicha, bu kabi o‘zgarishni amalga oshirishdan oldin avvalo yaxshilab o‘ylab ko‘rish kerak.
Unga ko‘ra, bunday tizimni Rossiya futbolida qanday joriy etish mumkinligini tushunish qiyin. Chunki bir xil maosh chegarasini ham kuchli klublar, ham kamroq mablag‘ga ega jamoalar uchun bir xil tatbiq etish to‘g‘ri emas.
Bystrovning fikricha, amaldagi sharoitda bunday cheklovlarni chetlab o‘tish yo‘llari ko‘pligi hammaga ma’lum. Mutaxassisning qo‘shimcha qilishicha, Rossiya futboli uchun eng foydali yo‘l bu – klub mablag‘larini yosh futbolchilarni tarbiyalash va akademiyalarni rivojlantirishga yo‘naltirishdir.
Bu esa futbolning kelajagi uchun muhim ahamiyatga ega. Hozirgi vaqtda Rossiya Premyer-ligasida “Lokomotiv” jamoasi peshqadamlik qilmoqda.
