«Manchester Yunayted» futbol klubi hujumchisi Benyamin Sheshko o‘zining bolaligidan Zlatan Ibrahimovichga havas qilganini aytdi. Bu haqida Euro-football.ru xabar berdi.
Uning so‘zlariga ko‘ra, Zlatan har doim uning uchun ibrat bo‘lgan. Sheshko yoshligidan Zlatanni diqqat bilan kuzatganini, u ajoyib futbolchi ekanini ta’kidladi.
U orzusi bir kun Zlatan bilan uchrashish bo‘lganini va bunday imkoniyat bo‘lsa, bu juda yaxshi bo‘lishini bildirdi. Sheshko o‘zining o‘yin uslubi Zlatannikidan farq qilishiga qaramay, har qanday vaziyatda Zlatan kabi harakat qilishga harakat qilishini ta’kidladi.
Ma’lumot uchun, Zlatan Ibrahimovich 2023 yilda professional futbolchilik faoliyatini yakunlagan. U so‘nggi bor Italiyaning «Milan» jamoasida to‘p surgan.
Bundan tashqari, Zlatan faoliyati davomida «PSJ», «Barselona», «Inter» va «Manchester Yunayted» klublarida ham o‘ynagan. Zlatan Ibrahimovich «Manchester Yunayted» safida 2016 yildan 2018 yilgacha o‘ynagan.
U ikki mavsum davomida klub uchun jami 53 o‘yinda maydonga tushib, 29 ta gol urgan va 10 ta golga assistentlik qilgan. Shu tariqa, u klub tarixida o‘z o‘rnini qoldirgan futbolchilardan biri bo‘lgan.
