Yevropa chempionatlarining yangi mavsumi shu haftaning oxirida boshlanadi. Bu haqida Euro-football.ru xabar berdi.
Angliya, Ispaniya va Fransiya chempionatlari ilk o‘yinlarini o‘tkazadi. Germaniya va Italiya chempionatlari esa keyingi haftadan start oladi.
Futbol ishqibozlari asosiy musobaqalarning qaytishini intizorlik bilan kutayotgan bir paytda, Ispaniyaning AS nashri "Lokomotiv" klubi yarim himoyachisi Aleksey Batrakovga alohida e’tibor qaratdi. AS nashri Batrakovning o‘tgan mavsumdagi natijalarini sarhisob qilib, u 29 ta o‘yinda maydonga tushib, 14 ta gol va 7 ta golli uzatmani amalga oshirganini ta’kidladi.
Nashrga ko‘ra, Batrakov nafaqat barqaror o‘yin ko‘rsatmoqda, balki "Lokomotiv" jamoasining asosiy harakatlantiruvchi kuchiga aylangan. Yangi mavsumda ham futbolchi yuqori natijalarga erishmoqda: 4 turda 7 ta gol urdi.
Transfermarkt ma’lumotiga ko‘ra, uning bozor bahosi 700 ming yevrodan 12 million yevrogacha oshdi. Mutaxassislar Batrakovning faqat statistikasi emas, balki o‘yin uslubi ham e’tiborga loyiq ekanini bildiradi.
Uning o‘ng oyog‘i bilan aniq zarba bera olishi, maydonda to‘g‘ri joylashishi va bo‘yi 171 santimetr bo‘lishiga qaramay, raqib jarima maydoniga tez-tez kirib borishi alohida qayd etilgan. Hatto bosh bilan ham xavfli o‘yin ko‘rsata oladi: "Spartak" darvozasiga chiroyli gol kiritdi.
AS nashri "Lokomotiv" jamoasining Batrakovni saqlab qolishi qiyin bo‘lishi mumkinligini, ayniqsa Rossiya klublari xalqaro musobaqalardan chetlatilgan bir paytda, yirik yevropalik klublar futbolchiga jiddiy qiziqish bildirayotganini yozadi. Shu bois, Batrakovning yozda boshqa klubga o‘tishi ehtimoli yuqori.
