Manchester Siti jamoasi darvozaboni Ederson jamoani tark etishi va Turkiyaning Galatasaray klubiga o‘tishi mumkin. Bu haqida Euro-football.ru xabar berdi.
Bir necha hafta oldin Galatasaray klubi 31 yoshli braziliyalik darvozabon bilan shaxsiy shartnoma shartlari bo‘yicha kelishuvga erishgan edi. Endi Istanbul klubi Angliyaning mashhur jamoasi bilan kelishuvga erishishi kerak.
Nemis jurnalisti Florian Plettenbergning ma’lum qilishicha, Galatasaray va Manchester Siti o‘rtasida muzokaralar boshlangan. Hozircha tomonlar o‘rtasida to‘liq kelishuv yo‘q, biroq muzokaralarda agent Jorj Gardi vositachi sifatida ishtirok etmoqda.
U transfer bitimini amalga oshirish uchun harakat qilmoqda. Transfermarkt portali Edersonning transfer qiymatini 20 million yevro deb baholamoqda.
Shu tariqa, Edersonning kelajagi bo‘yicha yakuniy qaror yaqin kunlarda qabul qilinishi kutilmoqda. Agar tomonlar o‘zaro kelishuvga erishsa, Ederson Turkiya chempionatida faoliyatini davom ettirishi mumkin.
Hozircha rasmiy bitim imzolanmagan. One.uz voqealar rivojini kuzatishda davom etadi.
