PSJ jamoasining yarim himoyachisi Fabian Ruiz yana bir sovrinni qo‘lga kiritdi. Bu haqida Euro-football.ru xabar berdi.
U UEFA Superkubogi uchrashuvida Tottenham klubiga qarshi bahsda 60-daqiqada zaxiradan maydonga tushdi. O‘sha vaqtda ingliz jamoasi 2:0 hisobida oldinda borayotgan edi.
Fabian Ruiz o‘yin oxirida jamoasiga mag‘lubiyatdan qutulishga yordam berdi va asosiy vaqt 2:2 hisobida yakunlandi. Penaltilar seriyasida Luis Enrike boshchiligidagi PSJ ustun keldi.
Ruiz uchun bu so‘nggi ikki yil ichida to‘qqizinchi sovrin bo‘ldi. Mazkur davr mobaynida u ikki marta Fransiya chempionati, ikki marta Fransiya Kubogi va ikki bor mamlakat Superkubogini qo‘lga kiritdi.
Shuningdek, PSJ safida Chempionlar Ligasi va UEFA Superkubogida ham zafar quchdi. Ispaniya terma jamoasi tarkibida esa Yevro-2024 musobaqasida g‘olib chiqdi.
Fabian Ruiz 2022 yildan buyon PSJ sharafini himoya qilib kelmoqda. U Fransiyaga ko‘chib o‘tishidan avval Italiyaning Napoli va Ispaniyaning Betis klublarida ham o‘ynagan.
Bugungi kunda u jamoasining muhim futbolchilaridan biri hisoblanadi.
