NyuKasl Isakni saqlab qolishga umid qilmoqda
NyuKasl hujumchisi Aleksandr Isak kelasi mavsumda ham jamoada qolishi mumkin. Bu haqida Euro-football.ru xabar berdi.
Shvetsiyalik futbolchi o‘zining Liverpulga o‘tishini talab qilmoqda va hozircha NyuKasl safida o‘ynashdan bosh tortgan. Shu bilan birga, jurnalist Luk Edvardsning xabar berishicha, NyuKasl rahbariyati 25 yoshli hujumchi jamoada qolishiga ishonmoqda.
Klub vakillari Isak jamoaga qaytganidan so‘ng, murabbiy Eddi Hau boshchiligidagi mashg‘ulotlar odatdagidek davom etishiga va yozda yuzaga kelgan vaziyat tez orada unutilishiga umid qilmoqda. Ularning fikricha, bu holat kelgusida birga ishlashga ta’sir qilmaydi.
Liverpul Aleksandr Isak uchun taxminan 127 million yevro taklif qilgan, biroq NyuKasl bu taklifni rad etgan. Hozircha yangi taklif bildirilmagan, futbolchi esa ikki klub o‘rtasida muzokaralar qayta boshlanishini kutmoqda.
Klub rahbariyati Isakning kelajagi borasida aniq qarorga kelmagan, ammo uning jamoada qolishiga umid qilmoqda. Shu sababli, Aleksandr Isakning qayerda o‘ynashi hozircha noma’lumligicha qolmoqda.
