Sobiq «Milan» jamoasi sardori Davide Kalabriya Gretsiyaning «Panatinaikos» klubi bilan uch yillik shartnoma imzolaydi. Bu haqida Euro-football.ru xabar berdi.
Bu haqda rasmiy e’lon 16 avgust, shanba kuni, futbolchi Afinaga kelganda beriladi. O‘tgan mavsum Kalabriya «Bologna» jamoasida o‘ynadi va jami o‘n uchta o‘yinda maydonga tushdi.
Ularning muvaffaqiyati katta bo‘ldi: «Bologna» Italiya Kubogini qo‘lga kiritib, finalda aynan «Milan»ni mag‘lub etdi. «Milan» safida esa Kalabriya jami 272 uchrashuvda ishtirok etdi va o‘n ta gol urdi.
Yangi mavsum Gretsiya chempionati keyingi haftada boshlanadi.
