Simeone: Men «Atletiko»da ishlashdan mamnunman

Madridning «Atletiko» futbol klubi bosh murabbiyi Diego Simeone jamoani boshqarishda uzoq vaqt faoliyat yuritishi haqida fikr bildirdi. Bu haqida Euro-football.ru xabar berdi.

U o‘z lavozimida ishlashdan mamnun ekanligini ta’kidladi. Simeone o‘z ishiga doir barcha natijalarni, yaxshi va yomon tomonlarini to‘liq anglaydi.

U hali ham lavozim talab qiladigan kuch va energiyaga ega ekanini aytdi. Shuningdek, murabbiy «Atletiko» yosh futbolchilari uchun barcha imkoniyatlarni ishga solishga va’da berdi.

Simeone yoshlar ichidagi eng yaxshi fazilatlarni aniqlab, ularni rivojlantirishga harakat qilishini bildirdi. Uning klubdagi faoliyati 14 yil davomida davom etmoqda.

Bu davr mobaynida u turli musobaqalarda jami sakkiz marta g‘olib chiqqan. U ikki marta Ispaniya chempionligini qo‘lga kiritgan, shuningdek, Ispaniya Kubogi va Superkubogida ham g‘alabaga erishgan.

Bundan tashqari, Simeone ikki marta UEFA Yevropa Ligasi chempioni bo‘lgan. Uning yetakchiligida «Atletiko» jamoasi ko‘plab yutuqlarga erishdi va jahon futbolida o‘z o‘rnini mustahkamladi.