UFC jahon miqyosidagi eng shiddatli va kurashlarga boy platformalardan biri hisoblanadi. Ayni damda esa barcha muhlislarning diqqati 8 iyun kuni Las-Vegasda bo‘lib o‘tadigan UFC 316 turniriga qaratilgan. Ushbu kechada o‘ta yengil vazn chempioni, gruziyalik sportchi Merab Dvalishvili va AQSH namoyandalari Shon O'Melli o‘rtasida jang tashkil etiladi.
Baxs oldidan Merab Dvalishvili o‘z rejalari va kayfiyati haqida UFC matbuot xizmati orqali intervyu berdi. Uning ta’kidlashicha, O'Melli uning teykdaunlariga qarshi tura olmasa, yerda yutiladi. Agar u parterga tushmaslikka harakat qilsa, u holda stoykada ham u uchun qiyin kechadi.
“Bu haftaning oxirida sizlar baxtli va biroz xavfli Merabni ko‘rasiz. Agar Shon mening parterga tushirish urinishlarimga dosh bersa, unga stoykada javob beraman. Unga qarshi qo‘lda ham nokaut bilan yutaman. Bu mening asosiy strategiyam,” — dedi Dvalishvili.
Merab so‘zlariga ko‘ra, bu jangdan so‘ng u qisqa dam oladi va keyingi yo‘nalishini aniqlab, yana oktagonga qaytishni niyat qilmoqda.
Shon O'Melli esa o‘zining turli uslubdagi zarba texnikasi, jarohatli bo‘lsa-da, oxirigacha kurasha olishi va ajoyib reaksiyasi bilan tanilgan. Biroq u Merab singari kuchli “greppler” bilan oldin jang qilmagan. Shuning uchun bu to‘qnashuv nafaqat fanatlar, balki ekspertlar uchun ham katta qiziqish uyg‘otmoqda.
UFC 316 turniri joriy yilning eng muhim jang kechalaridan biri sifatida baholanmoqda. Har ikki sportchi uchun bu o‘zaro raqobatda nafaqat g‘alaba, balki kelajakdagi yuqori reyting pozitsiyalari, tijorat shartnomalari va unvon himoyasini belgilab beradi.
Zamin.uz tahririyati 8 iyun kungi jang natijalari va jang oldidan bo‘layotgan barcha yangiliklarni muxlislar uchun yoritishda davom etadi. Merabning tajovuzkor uslubi va Shonning texnik zarbalarga asoslangan hujumlari qaysi tomonga burilishi aniqsiz. Bir so‘z bilan aytganda — nafasni to‘xtatadigan to‘qnashuv kutilayapti.
