Qo‘shni davlatlar o‘rtasidagi do‘stona aloqalar nafaqat siyosiy, balki sport sohasida ham o‘z ifodasini topmoqda. Joriy yilning 17-iyun kuni O‘zbekiston prezidenti Shavkat Mirziyoyev amaliy tashrif bilan Qozog‘iston poytaxti Ostonani bordi. U yerda “Markaziy Osiyo – Xitoy” ikkinchi sammiti bo‘lib o‘tdi.
Sammit davomida Qozog‘iston rahbari Qasim-Jomart Toqayev O‘zbekiston milliy terma jamoasining 2026-yilgi futbol bo‘yicha Jahon chempionatiga yo‘llanma olganini alohida ta’kidladi va buni ulkan muvaffaqiyat sifatida e’tirof etdi.
– Hurmatli Shavkat Miromonovich Mirziyoyevga so‘z berishdan oldin, uni O‘zbekiston milliy terma jamoasining Jahon chempionati finaliga yo‘l olish bilan chin dildan tabriklayman. Bu – butun mintaqa uchun iftixorli voqelik, – dedi Toqayev.
Bu samimiy so‘zlardan so‘ng sammit qatnashchilari Prezident Mirziyoyevni qat’iy qarsaklar bilan olqishlashdi. Bu faqat bir futbol yutug‘i emas, balki O‘zbekistonning jahon miqyosidagi nufuzi oshib borayotganini ham ko‘rsatadi.
Ma’lumki, bir necha kun avval O‘zbekiston terma jamoasi JCH–2026ning uchinchi saralash bosqichida muhim g‘alabaga erishib, o‘z tarixida ilk marta mundial finaliga chiqishga muvaffaq bo‘lgan edi. Bu natija mamlakat sport tarixida yangi sahifa ochdi.
Prezident Mirziyoyevning Ostonaga tashrifi davomida strategik hamkorlik, mintaqaviy barqarorlik va iqtisodiy loyihalar bilan bir qatorda, sportdagi yuksak yutuq ham siyosiy minbaralarda e’tirof etilgani xalqlar o‘rtasidagi do‘stlikning yanada mustahkamlanayotganidan dalolat beradi.
