Avstraliyalik mutaxassis Ange Postekoglu “Tottenhem” jamoasining bosh murabbiyi lavozimidan 2024/25 yilgi mavsum yakunlangach ozod etildi. Bu haqida Euro-football.ru xabar berdi.
Jamoasi Yevropa Ligasi g‘olibi bo‘lganiga qaramay, u bilan shartnoma uzaytirilmadi. Xabarlarga ko‘ra, 59 yoshli murabbiyga boshqa klublar qiziqish bildirmoqda.
Xususan, MLS ligasidan Los-Anjeles klubi Postekogluni bosh murabbiy sifatida tayinlashni ko‘rib chiqmoqda. Bundan tashqari, Saudiya Arabistoni klublari ham uning nomzodiga qiziqish bildirgan edi. Postekoglu “Tottenhem”da ikki yil davomida faoliyat yuritdi.
Londonga kelishidan oldin u Shotlandiyaning “Seltik” jamoasini boshqargan, shuningdek yaponiyaning “Yokohama F-Marinos” klubi va Avstraliya milliy terma jamoasini murabbiylik qilgan. Bundan tashqari, u Avstraliyaning bir qancha klublarida ham ishlagan.
Uning katta tajribasi va xalqaro darajadagi muvaffaqiyatlari yangi jamoalar uchun jozibali hisoblanadi. Hozirda Postekogluning kelajagi va qaysi klub bilan shartnoma imzolashi haqida rasmiy ma’lumotlar e’lon qilinmagan.
Uning ishga qaytishi futbol olamida katta qiziqish uyg‘otmoqda.
