Atletik Bilbao klubi vingeri Niko Uilyams o‘tgan yili Barselona klubiga o‘tishi amalga oshmagani uchun afsusda. Bu haqida Euro-football.ru xabar berdi.
Kataloniya grandi futbolchini qo‘lga kiritish uchun uzoq vaqt kurash olib bordi, lekin oxir-oqibat Niko o‘z klubida qolishni afzal ko‘rdi. Hozirgi vaziyat o‘zgardi: Uilyams Barselonaga o‘tishni xohlayotganini ma’lum qildi va transfer amalga oshishi uchun barcha imkoniyatlarni ishga solishga tayyor ekanligini bildirdi.
Shuningdek, jurnalist Karlos Monfortning ma’lumotiga ko‘ra, ispaniyalik futbolchi o‘tgan yili katalon klubi taklifini rad etganidan pushaymon. 22 yoshli futbolchi Barselona klubi moliyaviy qiyinchiliklarga duch kelayotganiga yoki La Liga tomonidan ro‘yxatga olinmaslik xavfiga qaramay, o‘z qarorini qat’iy ekanligini ta’kidlagan.
Atletik klubi esa yulduz futbolchisidan voz kechishni istamayapti. Shu bois, bu transfer sarguzashti hali yakunlanmagan ko‘rinadi.
Uilyamsning kelajagi va Barselonaga o‘tishi haqida ko‘plab savollar hali ham ochiq qolmoqda. Klub va futbolchi o‘rtasidagi muzokaralar davom etmoqda va muxlislar bu masalani diqqat bilan kuzatishda davom etmoqda.
