Portugaliya terma jamoasi sobiq futbolchisi Karlush Martinsh "Euro-Futbol.Ru" nashriga bergan intervyusida "Al-Nasr" jamoasining yulduz hujumchisi Krishtianu Ronalduni haqida fikr bildirdi. Bu haqida Euro-football.ru xabar berdi.
U ta’kidlashicha, Ronalduning Saudiya klubida kamida yana ikki yil qolishi rejalashtirilgan. Hozirgi vaqtda portugaliyalik futbolchining hisobida klub va terma jamoada jami 938 ta gol bor. Yangi shartnoma unga mingta gol chegarasini oshirish uchun kamida ikki mavsum qo‘shimcha imkoniyat beradi. Martinsh so‘zlariga ko‘ra, mingta golga erishish juda murakkab maqsad, lekin Krishtianu bu sinovga tayyor va bu uning motivatsiyasi hisoblanadi.
U ko‘p yillar davomida cheksiz kuchi va jasoratini namoyish etdi. Muhimi, jamoa va murabbiy uning faoliyatini qo‘llab-quvvatlashi kerak. Oldinroq ma’lum bo‘lishicha, Krishtianu "Al-Nasr" bilan shartnomasini 2027 yilgacha uzaytirgan.
Bu esa uning Saudiya klubi safidagi faoliyatini davom ettirishini anglatadi. Ronalduning tajribasi va mahorati jamoaga katta foyda keltirishi kutilmoqda.
Shuningdek, u yangi yutuqlarga erishish uchun barcha imkoniyatlarni ishga soladi.
