Darvozabon Mark-Andr ter Shtegen o‘z klubiga, "Barselona"ga ultimatum qo‘ydi. Bu haqida Euro-football.ru xabar berdi.
Nemis futbolchisining pozitsiyasi aniq: u yoki klubda qoladi, yoki qolgan uch mavsum uchun to‘liq maosh to‘lab, shartnomani bekor qiladi. Ispaniyaning Sport nashri ham xabar berishicha, ter Shtegen "Barselona"dan, ayniqsa, sport direktorlaridan juda norozi.
Darvozabon o‘zini xiyonatga uchragandek his qilmoqda, chunki unga darvozabonlar bilan bog‘liq rejalar haqida hech qanday ma’lumot berilmagan. Mark-Andr hisobicha, ma’lumotlarning oshkor bo‘lishi uning professionalizmini shubha ostiga qo‘yish uchun qasddan amalga oshirilgan. Ter Shtegen "Barselona" safida jami 422 ta o‘yin o‘tkazgan va shu o‘yinlarda 416 ta gol o‘tkazib yuborgan.
Uning jamoaga sodiqligini va tajribasini hisobga olganda, bunday vaziyat uning uchun qiyin kechmoqda. Klub va futbolchi o‘rtasidagi kelishmovchilik tez orada hal qilinishi kutilmoqda, chunki ter Shtegen jamoaning asosiy o‘yinchilaridan biri hisoblanadi.
