Turk jurnalisti Janer Ishbegendiren Eduard Spertsiyanning millati mahalliy chempionat klubi safiga o‘tishiga to‘sqinlik qiladimi, degan savolga javob berdi. Bu haqida Euro-football.ru xabar berdi.
Avvalroq futbolchiga “Galatasaray” klubi qiziqish bildirayotgani haqida xabarlar tarqalgan edi. O‘zi esa uzoq vaqtdan beri Yevropada o‘z imkoniyatlarini sinab ko‘rishni istayotganini aytib kelmoqda. “Spertsiyan arman, bu biz uchun katta muammo emas, biroq agar u o‘tishga qaror qilsa, u bilan uning terma jamoasi tanqidlarga duch keladi”, – deydi jurnalist “Match TV”ga bergan intervyusida. Shuningdek, Ishbegendiren fikricha, Istanbul klubi avvalo Yevropaning besh yirik ligasidagi futbolchilarga emas, balki boshqa variantlarga e’tibor qaratadi. 2024/2025 yilgi mavsumda Spertsiyan Rossiya Premyer Ligasi va Kubogida jami 35 ta o‘yin o‘tkazib, 11 ta gol urdi va 7 ta golga uzatma berdi.
25 yoshli futbolchi birinchi marta “Krasnodar” jamoasi bilan Rossiya chempioni bo‘ldi. Yarim himoyachining hozirgi shartnomasi “buzovlar” bilan 2026 yil 30 iyungacha mo‘ljallangan bo‘lib, uning bozor qiymati taxminan 25 million yevroni tashkil etadi.
