Dyokeresh Arsenal bilan 2030 yilgacha shartnoma tuzadi

Lissabonning "Sporting" jamoasi hujumchisi Viktor Dyokeresh Angliya Premer Ligasi grandlari bilan og‘zaki kelishuvga erishdi. Bu haqida Euro-football.ru xabar berdi.

Ishonchli manba Nikolo Skira xabariga ko‘ra, shved futbolchi "Arsenal" bilan 2030 yilgacha mo‘ljallangan shartnoma shartlarini kelishib oldi. Endi "kanonirlar" "Sporting" jamoasining transfer bo‘yicha talabini qondirishlari kerak.

Ma’lumotlarga ko‘ra, bu summa 70 million yevrodan oshadi. Viktor Dyokeresh o‘tgan mavsumda "Sherlar" jamoasi safida 52 ta o‘yinda maydonga tushib, 54 ta gol urdi va 13 ta samarali uzatmani amalga oshirdi. 27 yoshli futbolchiga "Manchester Yunayted" klubi ham qiziqish bildirmoqda.

Ushbu transfer har ikki tomon uchun muhim va keyingi kunlarda rasmiy e’lonlar kutilmoqda. Futbolchi o‘zining ajoyib o‘yini bilan jahon miqyosida tanilgan va yangi jamoasida ham muvaffaqiyat qozonishi kutilmoqda.

Hozircha tomonlar o‘rtasida yakuniy shartnoma imzolanishi uchun muzokaralar davom etmoqda.