Chiro Immobile «Bolonya» safida Seriyaga qaytdi
Mashhur insayder Fabrizio Romano ijtimoiy tarmoqlarda hujumchi Chiro Immobilening Italiya Seriya A ligasiga qaytishi haqida ma’lumot berdi. Bu haqida Euro-football.ru xabar berdi.
35 yoshli futbolchi «Bolonya» jamoasida to‘p suradi. Shartnoma allaqachon imzolangan va yaqin kunlarda rasmiy e’lon qilinishi kutilmoqda.
Immobilening «Bolonya» bilan shartnomasi bir mavsumga mo‘ljallangan bo‘lib, unda yana bir yilga uzaytirish imkoniyati ham nazarda tutilgan. Chiro Immobile so‘nggi mavsumni Turkiyaning «Beshiktosh» klubida o‘tkazdi.
U yerda 41ta o‘yinda maydonga tushib, 19 ta gol urdi va to‘rtta golga uzatma berdi. Seriya Aning so‘nggi mavsumida «Bolonya» jamoasi turnir jadvalida to‘qqizinchi o‘rinni egalladi.
Endilikda jamoa tajribali hujumchining ishtirokida yangi mavsumga tayyorgarlik ko‘radi. Ushbu transfer «Bolonya» uchun muhim qadamlardan biri bo‘lib, jamoaning hujum chizig‘ini mustahkamlashga xizmat qiladi.
Immobile o‘zining tajribasi va gol urish qobiliyati bilan jamoaga katta yordam berishi kutilmoqda.
