Portugaliyalik hujumchi Diogu Jota hayotdan ko‘z yumgani haqida "Portu" jamoasi munosabat bildirdi. Bu haqida Euro-football.ru xabar berdi.
28 yoshli futbolchi 3 iyul kuni avtohalokatda vafot etdi. Klub rasmiy ijtimoiy tarmoqlarda "Biz hozir motamdamiz.
Jota oilasi va yaqinlariga chuqur hamdardlik bildiramiz. Ruhu tinch bo‘lsin", deb yozdi.
Diogu Jota 2016-2017 yilgi mavsumda ijarada "Portu" jamoasida o‘ynagan. 2020 yildan boshlab u "Liverpul" klubida to‘p surib, o‘tgan mavsumda Angliya Premer Ligasi chempioni bo‘lgan.
Portugaliya terma jamoasi safida jami 49 o‘yinda maydonga tushib, 14 ta gol urishga muvaffaq bo‘lgan. Uning behudaga ketgani futbol jamoasi va muxlislar uchun katta yo‘qotishdir.
Jota o‘zining tezligi, texnikasi va o‘yinga bo‘lgan fidoyiligi bilan tanilgan futbolchilardan biri edi. Uning o‘limi nafaqat "Portu" va "Liverpul" jamoalari, balki butun futbol olamida chuqur qayg‘u bilan qarshi olindi.
Futbolchilar va muxlislar uning oilasiga sabr tilamoqda, uning xotirasi doimo yodda saqlanadi.
👍 0❤️ 0😂 0😢 0😡 0
