“Liverpul” hujumchisi Diogu Jota Ispaniyada sodir bo‘lgan og‘ir yo‘l-transport hodisasida halok bo‘ldi. Bu haqida Euro-football.ru xabar berdi.
Ushbu fojianing qurboni bo‘lgan yana bir futbolchi, Dioguning ukasi Andre Silva ham hayotdan ko‘z yumdi. Avtomobil g‘ildiragining yorilishi natijasida yo‘ldan chiqib ketganligi taxmin qilinmoqda.
Transport vositasi yonib ketdi va qutqarilish ehtimoli bo‘lmadi. Portugaliya CNN nashrining xabar berishicha, Jota yaqinda o‘pkasiga jarrohlik amaliyoti bo‘lib o‘tgan va shifokorlar unga samolyotda uchishni tavsiya qilmagan.
Hodisa yuz bergunga qadar futbolchi Santandarga yo‘l olgan, u yerda paromga chiqib Buyuk Britaniyaga borishni rejalashtirgan edi. Jota Angliyaga qaytib, “Liverpul” klubida mavsumoldi tayyorgarligini boshlashi kerak edi.
Diogu Jotaga 28 yosh edi, uning ukasi Andre Silvaga esa 25 yosh bo‘lgan. Butun futbol jamoasi chuqur motamda.
Yo‘l-transport hodisasi joyidan videolar tarqaldi, unda voqea tafsilotlari ko‘rinib turibdi. Bu xabar futbol olamida katta qayg‘u va hayrat uyg‘otdi.
Diogu Jota va uning ukasining o‘limi katta yo‘qotish bo‘lib qoldi. Ularning oilasiga va yaqinlariga sabr tilaymiz.
