Londonning "Arsenal" klubi rasmiy sayti orqali himoyachi Takexiro Tomiyasu bilan shartnoma bekor qilingani haqida ma’lum qildi. Bu haqida Euro-football.ru xabar berdi.
26 yoshdagi futbolchi klub bilan o‘zaro kelishuv asosida bitimni yakunlashga erishdi. Tomiyasu so‘nggi paytlarda jarohatlar bilan og‘ridi.
O‘tgan mavsumda u faqat bitta o‘yinda maydonga tushdi. Fevral oyida operatsiya qilindi va futbolchining to‘liq tiklanishi kuz mavsumida kutilmoqda.
"Arsenal" safida jami 84 rasmiy o‘yin o‘tkazgan Tomiyasu 2 ta gol urdi va 6 ta golli uzatmaga mualliflik qildi. Klub futbolchiga maydondagi xizmatlari uchun minnatdorchilik bildirib, kelajakdagi faoliyatida muvaffaqiyatlar tiladi.
Takexiro Tomiyasu "Arsenal" uchun muhim o‘yinchi bo‘lib, uning klubga qo‘shgan hissasi katta hisoblanadi. Endi esa u yangi imkoniyatlar sari yo‘l oladi.
