PSJ "Lill"ni yirik hisobda mag‘lub etdi

Fransiya Ligue 1 24-tur doirasida "PSJ" o‘z maydonida "Lill"ni 4:1 hisobida mag‘lub etdi. Uchrashuv Parc des Princes stadionida bo‘lib o‘tdi.

Parijliklar o‘yinni juda tez boshlashdi va 6-daqiqada Bredli Barkola hisobni ochdi. 22-daqiqada Markinyos, 28-daqiqada Usmon Dembele va 37-daqiqada Dezir Du gol urib, birinchi bo‘limdayoq jamoasini 4:0 hisobida oldinga olib chiqishdi. Mehmonlar faqatgina 80-daqiqada Jonatan Davidning goli orqali javob qaytara olishdi.

Statistikaga ko‘ra, "PSJ" to‘pni 58% nazorat qildi, 25 ta zarba berdi, ulardan 11 tasi darvoza to‘g‘risiga yo‘llandi. "Lill" esa 6 ta zarba berdi va 2 ta aniq urinishga ega bo‘ldi.

Ushbu natijadan so‘ng PSJ 62 ochko bilan chempionlik poygasida oldinda bormoqda, "Marsel" va "Nitssa" esa 46 ochkodan to‘plab, 2-3-o‘rinlarda bormoqda.