Bugun
Bir o‘g‘il haqida hikoya
+9°
туман ветер 2.1 м/с, В

Xosep Gvardiola Abduqodir Husanovga og‘ir vazifa yukladi

Sport 08:16, 3-03-2025 8
Xosep Gvardiola Abduqodir Husanovga og‘ir vazifa yukladi
“Manchester Siti” joriy mavsumning qolgan qismida ikki maqsad uchun kurashmoqda. Asosiysi, jamoa Angliya Premer-ligasida kuchli to‘rtlikdagi o‘rnini saqlab qolib, kelasi mavsum uchun Yevropa Chempionlar ligasiga yo‘llanma olishi kerak.

Bundan tashqari, “shaharliklar” hech bo‘lmaganda Angliya kubogini qo‘lga kiritish orqali o‘zlari uchun muvaffaqiyatsiz o‘tgan mavsumdan biror yorqin xotira qoldirishga urinishi lozim.

Xosep Gvardiola shogirdlari Angliya kubogining beshinchi bosqichida quyi liga vakili “Plimut” bilan kuch sinashdi. Bu bosqichga “Brentford” va “Liverpul” kabi Premer-liga jamoalarini musobaqadan chiqarib yuborgan “Plimut” manchesterliklarga qarshi uchrashuvni ham jadal boshlab birinchi bo‘lib hisobni ochdi.

Mezbonlar keyinchalik uchta to‘p kiritib, uchrashuvni o‘z foydasiga hal qildi va navbatdagi bosqichga yo‘llanma oldi.

Bu bellashuvdan keyin Xosep Gvardiola ko‘zlangan maqsadlarga erishish uchun asosiy mas’uliyat yangi o‘yinchilar, xususan, Abduqodir Husanov zimmasiga tushishini alohida ta’kidladi.

Gap shundaki, bu bahsda markaziy himoyachilardan Natan Ake jarohat olib, ikkinchi bo‘lim uchun maydonga chiqa olmadi. Tajribali futbolchi avval lazaretga tushgan markaziy himoyachilar Manuel Akanji va Jon Stounz qatoriga qo‘shildi. Endi ular birinchi navbatda jarohatidan qutilib, keyin sport formasini tiklab olishi uchun vaqt talab etiladi.

- Endi biz yana tajribali markaziy himoyachilarsiz qoldik. Buyog‘iga muayyan muddat Natan Ake xizmatidan ham foydalana olmaymiz.

Men jamoaga Abduqodir Husanov va bugun yaxshi o‘ynagan Vitor Reysni olib kelishgani uchun klub mutasaddilariga rahmat aytishim kerak. Husanovning xizmatisiz Yevropa Chempionlar ligasiga yo‘llanma olish yoki Angliya kubogida yurishni davom ettirish imkoniyatidan ayrilardik.

Hozir markaziy himoyada Abduqodir Husanov, Vitor Reys va tajribali o‘yinchilardan faqat Ruben Diash qoldi, xolos.

Yangi o‘yinchilarning hozir safimizda ekani mo‘jizaning o‘zginasi. Chunki hozirgi muammolarimiz butun mavsum davomida bizni qiynab kelmoqda.

Biroq umuman olganda, jamoa kayfiyati yaxshi. Oxirgi oyda o‘yinimiz ijobiy tomonga o‘zgargani yaqqol sezilmoqda. “Liverpul”ga va “Chelsi”ga qarshi juda yaxshi o‘ynadik. Madriddagi o‘yinni shunchaki unutamiz. Aslida biz o‘zimiz bo‘lishimiz kerak bo‘lgan pozitsiyalardan ancha uzoqlashib ketgandik.

Bosqichma bosqich yaxshi o‘zgarishlar ro‘y bermoqda va hammasi bir biriga bog‘liq. Biz bu yil kelasi mavsumda Chempionlar ligasidan joy olish uchun kurashamiz, - dedi Xosep Gvardiola.

Ta’kidlash joizki, “Manchester Siti”ning yanvarda 200 million yevrodan ortiq pul sarflab, amalgan oshirgan to‘rtta transferi o‘zini oqlamoqda. Bugungi kunga qadar Abduqodir Husanov, Umar Marmush va Niko Gonsales asosiy tarkib o‘yinchilariga aylanib bo‘ldi. 18 yoshli braziliyalik markaziy himoyachi Vitor Reys ham Angliya kubogi doirasida ikkita uchrashuvda maydonga tushib, asosiy tarkibda o‘ynashga qodir ekanini ko‘rsata oldi.

“Manchester Siti” navbatdagi uchrashuvini Angliya Premer-ligasi doirasida 8 mart kuni uchinchi o‘rinda borayotgan “Nottingem Forest”ga qarshi uchrashadi. 28-turning ushbu markaziy uchrashuvi Toshkent vaqti bilan soat 17:30 da boshlanadi.

O‘xshash yangiliklar

Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
Sport 20:10, 15-02-2025
Mixaylo Podolyak: «Aslida, normal va qulay muzokara jarayoni ketmoqda»
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Dunyo 12:33, 28-02-2025
Avvalgi “Siti” endi yo‘q! Gvardiola yangi jamoa kelajagini Husanov bilan bog‘ladi...
Avvalgi “Siti” endi yo‘q! Gvardiola yangi jamoa kelajagini Husanov bilan bog‘ladi...
Xosep Gvardiola 2016 yili “Manchester Siti”ni qabul qilib olganidan keyin ushbu klub o‘zining bir asrdan oshiq tarixidagi eng samarali davrni boshdan o‘tkaza boshladi. Bungacha “Barselona” va
Sport 19:18, 27-02-2025
Angliyada kun o‘yini: Abduqodir Husanovga dam berildi
Angliyada kun o‘yini: Abduqodir Husanovga dam berildi
Shanba oqshomida Angliya futbolida bo‘lib o‘tgan asosiy o‘yindagi vaziyatlar va gollar bilan ushbu maqola orqali tanishishingiz mumkin.. «Manchester Siti» – «Plimut» – 3:1 Gollar: Niko O'Rayli
Sport 13:23, 2-03-2025
Abduqodir Husanov «Manchester Siti»dagi ilk 90 daqiqani qanday oʻtkazdi?
Abduqodir Husanov «Manchester Siti»dagi ilk 90 daqiqani qanday oʻtkazdi?
Abduqodir Husanov APL 25-turida «Manchester Siti» tarkibida ilk bor toʻliq oʻyin davomida harakat qilib, yoqimli seriyasini davom ettirdi – Gvardiola oʻzbek himoyachisini maydonga tushirgan
Sport 14:02, 16-02-2025