Benfika Joau Felishni 20 millionga sotib olmoqchi
Londonning “Chelsi” jamoasining qanot hujumchisi Joau Felish Angliyani tark etib, faoliyatini Portugaliyada davom ettirishi mumkin. Bu haqida Euro-football.ru xabar berdi.
25 yoshli futbolchining transferi bilan Lisabonning “Benfika” klubi qiziqmoqda. AS nashrining ma’lumotlariga ko‘ra, “Benfika” futbolchini sotib olish uchun 20 million yevro to‘lashga tayyor.
Joau Felishga 2031 yil o‘rtalarigacha mo‘ljallangan uzoq muddatli shartnoma taklif etiladi. Ma’lum qilinishicha, futbolchi ilgari 2015 yildan 2019 yilgacha “Benfika” safida o‘ynagan.
Keyinchalik u Madridning “Atletiko” klubiga o‘tib, transfer summasi 127 million yevroni tashkil qilgan. O‘tgan mavsumning ikkinchi yarmida Felish “Milan” jamoasida ijarada o‘ynagan va Italiya chempionatining 15 o‘yinida maydonga tushib, ikki gol urishga muvaffaq bo‘lgan.
Hozirda uning faoliyati bo‘yicha keyingi qarorlar kutilyapti. Futbolchining yangi jamoasida qanday natijalarga erishishi ko‘pchilik tomonidan diqqat bilan kuzatilmoqda.
