Yulduz yarim himoyachi Luka Modrich Italiya Serie A chempionatida o‘ynaydi. Bu haqida Euro-football.ru xabar berdi.
39 yoshli xorvatiyalik futbolchi Milan klubi bilan mehnat shartnomasini imzoladi. Rossoneri jamoasining matbuot xizmati ma’lumotiga ko‘ra, tomonlar o‘rtasidagi shartnoma bir yilga mo‘ljallangan bo‘lib, uni yana bir mavsumga uzaytirish imkoniyati mavjud.
Luka Modrich yangi jamoada 14-raqam ostida maydonga tushadi. Futbolchi 2012 yildan buyon Madridning Real klubida o‘ynab kelgan.
U 2025 yilda klub jahon chempionati tugagach, erkin agent sifatida Realni tark etdi. O‘tgan mavsum xorvatiyalik yarim himoyachi 62 ta o‘yinda maydonga tushib, to‘rtta gol urdi va to‘qqizta golga uzatma berdi.
Luka Modrichning tajribasi va o‘yindagi o‘ziga xos uslubi Milan jamoasining kuchayishiga xizmat qiladi. Uning yangi klubi bilan faoliyati muxlislar tomonidan katta qiziqish bilan kutib olinmoqda.
