Turkiyaning Istanbul Boshakshehir klubi Moskva CSKA jamoasining yarim himoyachisi Abbosbek Fayzullaev bilan shartnoma imzolashga yaqin turibdi. Bu haqida Euro-football.ru xabar berdi.
Bu haqda ijtimoiy tarmoqlarda ishonchli manba Osman Altunterim ma'lumot berdi. Jurnalistning aytishicha, turk klubi 21 yoshli futbolchi uchun “armeyets” jamoasi bilan yetti million yevro evaziga kelishuvga erishgan.
Abbosbek Fayzullaev 2023 yil yozidan buyon Moskva CSKA jamoasida to‘p surmoqda. U avval “Paxtakor” klubidan ko‘chib kelgan.
2024/2025 yilgi mavsumda Abbosbek Rossiya chempionatida 27 ta o‘yinda maydonga tushdi. U ikki marta gol urib, to‘rtta golga uzatma berdi.
Uning amaldagi shartnomasi 2026 yilgacha mo‘ljallangan. Ushbu transfer futbolchining faoliyatida yangi bosqich bo‘lishi kutilmoqda.
Istanbul Boshakshehir klubi uning malakasi va tajribasidan samarali foydalanishni maqsad qilgan.
