Semak Vendelning kechikishi uchun jazo haqida gapirdi

Sankt-Peterburgning «Zenit» jamoasi bosh murabbiyi Sergey Semak jamoaning yarim himoyachisi Markus Vendelga oid vaziyat haqida fikr bildirdi. Bu haqida Euro-football.ru xabar berdi.

Eslatib o‘tamiz, braziliyalik futbolchi klubga kechikib kelgani uchun mavsumoldi tayyorgarlik jarayonida qatnasha olmadi. Semakning so‘zlariga ko‘ra, kechikgani uchun Vendel jazo oladi va bu haqida rahbariyat rasmiy bayonot bilan chiqadi.

Murabbiy shuningdek, Vendel boshqa klubga o‘tish imkoniyatlarini izlayotganini, ammo hozircha «Zenit»da qolayotganini ta’kidladi. Markus Vendel 2020 yilda Sankt-Peterburg jamoasiga qo‘shilgan.

U 27 yoshda bo‘lib, barcha musobaqalarda «Zenit» sharafini himoya qilib, 150 ta o‘yin o‘tkazdi, 21 ta gol urdi va 36 ta golga uzatma berdi. Joriy transfer oynasida Vendelga Qatarning «Al-Sadd» va Turkiyaning «Fenerbaxche» klublari qiziqish bildirmoqda.

Hozirgi vaqtda futbolchi jamoada qolishi kutilmoqda.