Qo‘qon-1912 - so'nggi yangiliklar

FIFA kunlari ortda qolgani bilan, futbol muhlislari uchun qiziqarli onlar endi boshlanmoqda. Chunki butun e’tibor yana ichki chempionat, ya’ni Superligaga qaratilgan. 12-turning start olish arafasida tur o‘yinlari va markaziy to‘qnashuvlar muxlislar uchun yangi intrigalar va kutilmagan natijalar va’da qilmoqda. 13 iyun – ikki parallel to‘qnashuv Shu kuni bir vaqtning o‘zida ikki juftlik maydonga chiqadi. “Qo‘qon-1912” va “Mash’al” o‘rtasidagi bellashuvda turnir jadvalida bir xil ochko to‘plagan, bir-biriga teng kuchli jamoalar uchrashadi. Bu o‘yinda extiyotkorlik va imkoniyatdan to‘liq foydalanish muhim bo‘ladi. “Buxoro” esa o‘z uy arenasi qurilishi yakunlanmagani uchun Samarqandda “Andijon”ni qabul qiladi. Mezbonlar uchun stadion o‘zgartirish qiyinchilik tug‘dirsa-da, g‘alaba uchun barcha kuchni ishga solishdan boshqa yo‘l yo‘q. “Andijon” ham muvaffaqiyat izlamoqda – bu esa uchrashuvni yanada qiziqarli qiladi. 14 iyun – markaziy o‘yinlar, strategiya va muxlislar intizori Bu sanada muxlislar bir necha to‘qnashuvga guvoh bo‘ladi. E’tibor markazida “Bunyodkor” – “Paxtakor” bahsi. Ilyos Zeytullayev va Kamoliddin Tojiyev duelida ochiq, hujumkor va murosasiz futbol kutilmoqda. “Paxtakor” o‘ziga xos temp va tajribani qayta tikladi, “Bunyodkor” esa yoshlar bilan yarqin o‘yin ko‘rsatishda davom etyapti. “Qizilqum” – “So‘g‘diyona” bahsida esa natijadan ko‘ra klublardagi murabbiylar rotatsiyasi va yangilangan strategiyalar qaysi tomonga o‘tadi, degan savol tug‘iladi. Oxirgi 4 o‘yinda g‘alaba ko‘rmagan bu jamoalarning ruhiy holati maydonda qayd etiladi. OKMK va “Sho‘rtan” duelida autsayderlar va favoritlar qarshiligi, favoritning yomon kunlarida yoxud autsayderning syurprizlariga guvoh bo‘lishimiz mumkin. 15 iyun – tajriba, intriga va katta savollar Yana bir qiziqarli uchrashuv – “Xorazm” va “Dinamo” o‘rtasida bo‘ladi. “Xorazm” o‘z yo‘nalishini topgan holda, kuchli raqiblarga qarshi tajriba to‘plamoqda va “Dinamo”ga ham bosh-og‘rig‘i bo‘lishga tayyor. “Surxon” – “Neftchi” bahsida farg‘onaliklar kuchli tarkib va individual mahorati bilan ajralib tursa-da, termizliklar o‘z maydonida bosimni oshirishga intiladi. Bu to‘qnashuvda keskinlik yuqori bo‘lishi tabiiy. Kunning markaziy to‘qnashuvi – “Nasaf” va “Navbahor”. Qarshidagi bu duelda hali mag‘lubiyat nimaligini bilmagan “Nasaf”ga qarshi so‘nggi vaqtlarda ajoyib o‘yin namoyish etayotgan “Navbahor” maydonga tushadi. Jamoalar o‘rtasidagi ochko farqi minimal, muhit esa shiddatli va ruhiy jihatdan to‘la. Xulosa: har bir bahs – yangi imkoniyat Superliganing 12-turi muxlislar uchun to‘laqonli futbol bayramiga aylanishi aniq. Kim g‘alaba qozonadi, qaysi jamoa noyob syurpriz tayyorlaydi? Javoblar uchun esa hamma maydonlarda kuchli kurash va dramatik vaziyatlarni kutamiz. Demak, Superliga yana futbol sevuvchi yurtdoshlarimizning hayotini mazmunli va qiziqarli qilishi shubhasiz!

Superliganing 10-turidan o‘rin olgan “Qo‘qon-1912” – “Nasaf” (0:2) uchrashuvidan keyin, mezbonlar bosh murabbiyi Bahrom Haydarov matbuot anjumanida jamoa harakati, o‘yindagi xulosa va kelgusi rejalar haqida fikr bildirdi. “Qiyin raqibga qarshi yaxshi harakat qildik” — “Nasaf” mamlakatimizdagi eng kuchli jamoalardan biri hisoblanadi. Ularga qarshi maydonda qarshilik ko‘rsatish oson emas. Yigitlar harakat qilishdi va bizda ham imkoniyatlar bo‘ldi. Hayot davom etadi, bu natija bilan to‘xtamaymiz. Agar vaziyatlar yaratilayotgan bo‘lsa, demak, o‘sish uchun salohiyatimiz bor, — dedi murabbiy. “Kuchli raqiblar fonida 3 ochko olish ham muhim” — Oxirgi uch turda jadvalning yuqori qismidagi jamoalarga qarshi maydonga tushdik. Bu o‘yinlarda ko‘proq ochko to‘plashni maqsad qilgandik. Umumiy hisobda 3 ochko jamg‘ardik. Albatta, buning o‘zi katta natija emas, lekin bunday o‘yinlar bizga tajriba beradi. Endilikda ham muxlislar, ham rahbariyat har qanday raqibga qarshi kurash va g‘alaba kutmoqda. Ikki mag‘lubiyat ortidan qattiq xulosa chiqarish shart emas. Ishlashda davom etamiz. “Beshimov gol urishga yaqin edi” Matbuot anjumanida Beshimovning birinchi bo‘limdagi gol urish imkoniyati haqida ham so‘raldi: — O‘sha vaziyat deyarli aniq gol edi. Men ham to‘p darvozadan o‘tadi deb o‘ylagandim. Ammo raqib darvozaboni yuksak mahoratini ko‘rsatdi. Bunday imkoniyatlarni ishonchli yakunlash kerak. Superligada jarima maydonidagi har bir vaziyat katta ahamiyatga ega. Beshimov o‘sishda davom etmoqda, va u yana shunday imkoniyatlarga ega bo‘ladi, deb ishonaman. “Jamoani asta-sekin kuchaytirish niyatimiz bor” Yozgi transferlar haqidagi savolga Haydarov shunday javob berdi: — Biz yangi jamoamiz, va Superligaga chiqqandan so‘ng tarkibga bir qator yangi futbolchilarni qo‘shdik. Jamoa jipslashib bormoqda. Katta o‘zgarishlar qilmaymiz, ammo bir-ikkita pozitsiyani mustahkamlash niyatimiz bor. Variantlar mavjud, ammo hozircha nomlarini oshkor qilmayman. Imkoniyatlardan kelib chiqib, zarur bo‘lgan nuqtalarni mustahkamlashga harakat qilamiz. — Hozirgi asosiy maqsadimiz — jamoamizdagi yosh futbolchilarni rivojlantirish. Beshimov, Husanov va Jo‘raboyev singari yigitlar biz uchun asosiy poydevor. Agar ulardan kuchliroq o‘yinchilarni topa olsak, albatta, ularni jamoaga jalb qilamiz, — dedi Bahrom Haydarov. Zamin.uz tahririyatidan: “Qo‘qon-1912” jamoasi natijalardan qat’i nazar, yo‘nalishini aniq belgilagan. Tarkibni bosqichma-bosqich mustahkamlash, yosh futbolchilarni yetishtirish va jiddiy raqobatlarga tayyorgarlik klub falsafasining asosi bo‘lib qolmoqda. Siz Bahrom Haydarovning bu yondashuvini qanday baholaysiz?

17 may kuni Qo‘qon shahrida Superliganing 10-turidan o‘rin olgan qiziqarli to‘qnashuv — “Qo‘qon-1912” va “Nasaf” jamoalari o‘rtasidagi o‘yin bo‘lib o‘tadi. Uchrashuv soat 20:00 da “Markaziy” stadionda start oladi. Qarshi va Qo‘qon jamoalari orasidagi tarixiy raqobat muxlislar uchun hamisha qiziq bo‘lib kelgan. Bu galgi bahs oldidan ham statistikaga nazar tashlash maqsadga muvofiq. Umumiy statistika: “Nasaf” ustun Hozirgacha O‘zbekiston chempionati doirasida bu ikki jamoa 28 marta o‘zaro maydonda kuch sinashgan. “Ajdarlar” bu o‘yinlarning 19 tasida g‘alaba qozongan, “Qo‘qon-1912” esa 5 marta zafar quchgan. To‘rtta bellashuv durang bilan yakunlangan. To‘plar nisbati ham “Nasaf” ustunligini ko‘rsatmoqda — 51:27. Umumiy ochkolarda “Nasaf”da 61 ball bo‘lsa, “Qo‘qon-1912” jamoasi 19 ochko to‘plagan. Qo‘qondagi oxirgi uchrashuvlar qanday o‘tdi? So‘nggi olti marta “Markaziy” stadionda o‘tgan bahslarda natijalar quyidagicha shakllangan: - 02.05.2022 — “Qo‘qon-1912” 0:1 “Nasaf” - 28.06.2021 — “Qo‘qon-1912” 1:2 “Nasaf” - 14.07.2020 — “Qo‘qon-1912” 2:2 “Nasaf” - 27.08.2019 — “Qo‘qon-1912” 1:0 “Nasaf” - 13.09.2018 — “Qo‘qon-1912” 1:1 “Nasaf” - 21.04.2018 — “Qo‘qon-1912” 0:0 “Nasaf” Bu natijalardan ko‘rinib turibdiki, Qo‘qondagi bahslar “Nasaf” uchun oson kechmagan — so‘nggi 6 uchrashuvda ular faqat ikki marta yuta olgan. Qolgan to‘rt o‘yinda esa yoki durang, yoki mag‘lubiyat qayd etilgan. Rezerv tarkiblar to‘qnashuvi Asosiy tarkiblar o‘rtasidagi to‘qnashuvdan bir kun o‘tib, 18 may kuni “Qo‘qon-1912” va “Nasaf”ning o‘rinbosarlar jamoalari Yaypandagi “O‘zbekiston” stadionida o‘zaro maydonga chiqishadi. Zamin.uz tahririyati ushbu bellashuvning barcha tafsilotlari va natijalarini sizga tezkor ravishda yetkazib borishda davom etadi. Siz kimning g‘alaba qozonishini kutyapsiz?

Superliganing 9-turida OKMKga qarshi o‘yindan keyin "Qo‘qon-1912" bosh murabbiyi Bahrom Haydarov matbuot anjumanida qatnashdi. O‘yin haqida - Yutqazgan o‘yinni taxlil qilib, keyin gapirish kerak. O‘yin davomida tashabbus OKMK tomonda edi, biz esa ikkinchi raqamli bo‘lib o‘ynashga harakat qildik va buning uddasidan chiqayotgandik. Bunday jamoaga qarshi himoyalanish qiyin. Vaziyatlar yaratishning uddasidan chiqdik. Reja qilingan hujumlarni uyushtirib, buni golga ham aylantirdik. Futbolchilarim bugun juda katta mehnat qilishdi, ular o‘yinga past nazar bilan qarashmadi, bor kuchini berib o‘ynadi. "Bunyodkor"ga qarshi o‘yinda ham himoyadagi qo‘pol xato sababli gol o‘tkazib yuborgandik. Bunday holatlar futbolchining o‘yinga ruhiy tayyor emasligi yoki xatolari ustida ishlamayotganligini anglatadi. Biroq faqatgina bir vaziyat haqida gapirish yaxshi emas. Hisob 1:0 paytida biz yaxshi qarshi hujumga ega bo‘lgandik. Hisobni 2:0ga yetkazganimizda bu yerda hozir umuman boshqacha fikrlar, boshqacha natija bo‘lardi. Futbol shunaqa, 30 soniya ichida o‘yin, jamoa haqidagi fikrlar o‘zgarib ketdi. Bu tabiiy holat. Bu biz, murabbiylar shtabi, futbolchilarga foydali bo‘lishi mumkin. Shu orqali futbolchilar o‘z xatolarini ko‘rishi, o‘zlariga bo‘lgan fikrlarini o‘zgarishiga turtki bo‘ladi. O‘z uyimizda yutqazdik, garchi birinchi o‘rindagi jamoaga mag‘lub bo‘lgan bo‘lsak ham bu alamli bo‘ldi. Chunki bugun yutishimiz ham mumkin edi. - Bugun Yegor Kondratyuk va Iqbol Malikjonovning zahirada qoldirilgani barchani hayron qoldirdi. Ularning jarohati bormidi? - Yo‘q, unday muammolar yo‘q edi. U kuchli jamoalarga qarshi o‘yinlarda Jasur Xolto‘rayevning o‘rniga maydonga tushganida yanada foydali futbolchi ekanligini ko‘rdik. Shu sababli biz shunday qarorga kelgandik. Iqbol Malikjonovga kelsak, u uchta o‘yinda qatnashmadi. Jamoada raqobat juda katta. O‘tgan o‘yinlarda uning nuqtasida o‘ynagan futbolchilarni olib tashlash adolatsizlik bo‘lardi. Chunki ular ham yaxshi o‘yin namoyish qilishgandi. Natija bo‘lmaganidan keyin Iqbol Malikjonov yoki Shota Gvazava bo‘lganida boshqacha bo‘lishi mumkin edi deyishi mumkin. 30 soniyada barchasi o‘zgarib ketdi. Hozir jamoada kim o‘yinga tayyor bo‘lsa, o‘shani maydonga tushiryapmiz. Barchasi raqobat sabab. - Asliddin Toshtemirovning jarohati qanday? U "Nasaf"ga qarshi o‘ynaydimi? - Hozirni o‘zida aniq gap aytish qiyin. U oyoq mushaklarini tortib oldi. Ertaga uni tibbiy ko‘rikdan o‘tkazamiz va barchasi aniq bo‘ladi.

Superliganing 9-turida "Qo‘qon-1912"ga qarshi o‘yindan keyin OKMK bosh murabbiyi Mirjalol Qosimov matbuot anjumanida qatnashdi. O‘yin haqida - Asabiy o‘yin bo‘ldi. Oldin ham aytganman, vodiyda, shu jumladan, Qo‘qonda futbol o‘ynash oson emas. Raqib birinchi bo‘limda yaxshi o‘yin namoyish qildi va hisobda oldinga chiqib oldi. Lekin shunga qaramasdan yigitlarim irodali g‘alabaga erishdi. Buning uchun futbolchilarimga minnatdorligimni bildiraman. Qo‘qonda "Qo‘qon-1912"ga qarshi o‘ynash doimo qiyin kechgan. G‘alabadan xursandman. - OKMK so‘nggi paytlarda irodali g‘alabalar qayd etmoqda. Zahiradan tushayotgan futbolchilar o‘yinni kuchaytiryaptimi yoki boshqa siri bormi? - Yo‘q, buning siri yo‘q. Maydonga tushayotgan futbolchilarimning maqsadi bitta - chiroyli o‘yin ko‘rsatish, muxlislar uchun o‘ynash. Shogirdlarimning har biri o‘yinga o‘z hissasini qo‘shishni istashadi. - Nima deb o‘ylaysiz futbol hakamligi saviyasini oshirish uchun futbolchilik faoliyatini yakunlagan futbolchilardan hakam tayyorlaydigan kurs ochish kerak emasmikin? Nikita Mustafin, Rustam Lutfullin, Asker Najafaliyev kabi hakamlar oldin futbol o‘ynamagan. Futbol o‘ynaganlar esa qanday qarorlar chiqarish kerakligini biladi. Shu taklifga qanday qaraysiz? - Savol uchun rahmat. Menimcha O‘zbekistonda futbol o‘ynamagan erkak kishi bo‘lmasa kerak. Hamma futbol o‘ynagan, lekin ayrim sabablarga ko‘ra futbolni jarohat yoki boshqa sabab bilan davom ettira olmagan. Ular futbol maktablariga borgan bo‘lishi mumkin. Hozir eshitishimga qaraganda hakamlar akademiyasi ochilgan, bu borada ham oldinga qadam tashlangan. Bu kelajakda o‘z samarasini beradi va yaxshi hakamlar chiqadi. Aynan qaysi sabab bilan bu savolni berganingizni tushunmadim. Hakam o‘yin davomida tizginni qo‘lidan chiqarib yuborishi kerak emas. Ular uchun alohida rahbarlar, hakamlarni nazorat qiladigan qo‘mita, ularga ham o‘rgatadigan ustozlari bor. Ular ham issiq jon, bu hayotda Parvardigordan boshqa hamma xato qiladi. Faqatgina ishlamagan odam xato qilmaydi. Shu sababli men hakamlarga, hatto raqib futbolchilariga ham baho bera olmayman, o‘z jamoamdagi futbolchilarni baholashim mumkin. Futbolchilar va hakamlar qanchalik ko‘p chiqsa, biz faqatgina xursand bo‘lamiz. Xalqaro maydonlarda ular hakamlik qilishsa, bayrog‘imiz yuqoriga ko‘tariladi, ularga muxlislik qilib biz ham o‘yinlarni tomosha qilamiz. - "Qo‘qon-1912" goli vaqtida darvozabon to‘pga chiqishda xatolikka yo‘l qo‘ydi. Bu holatga fikringiz qanday? - Darvozabonlar ham shunday o‘yinlar orqali toblanib boradi. Hozir aytganimdek, har bir inson xato qiladi. Bungacha ham u xatolar qilgan. Bir-ikki vaziyatda u himoyachilar oldiga chiqishi kerak edi. Bunday holat yana bir marta sodir bo‘ldi. Bu narsa unga signal bo‘lishi kerak edi. Barcha futbolchilar shunday o‘yinlardagi xatolarini hulosa qilishi orqali, keyingi bahslarda bartaraf etishga harakat qiladi.

Superliganing 9-turidan o‘rin olgan "Qo‘qon-1912" - OKMK bellashuvi yakuniga yetdi. Mazkur to‘qnashuvda olmaliqliklar kambek amalga oshirgan holda 1:3 hisobidagi g‘alabani qo‘lga kiritdi. Dastlab, Avazbek O‘lmasaliyev 38-daqiqada o‘z darvozasini ishg‘ol etib qo‘ydi. Ikkinchi bo‘limning 73-daqiqasida esa O‘lmasaliyev o‘z xatosini to‘g‘riladi va oradagi farqni yo‘qqa chiqardi. Asadbek Sobirjonov 81-daqiqada raqib himoyachisining xatosidan unumli foydalangan holda jamoasini hisobda oldinga olib chiqdi. Sobirjonovning o‘zi 87-daqiqada oradagi farqni ikkitaga yetkazib qo‘ydi - 1:3. Shu tariqa, OKMK navbatdagi 3 ochkoni qo‘lga kiritdi va hisobidagi ochkolar sonini 21 taga yetkazib qo‘ydi. “Qo‘qon-1912” — OKMK - 1:3 Gollar: Avazbek O‘lmasaliyev 38 avtogol, - 1:0. Avazbek O‘lmasaliyev 73, - 1:1. Asadbek Sobirjonov 81, - 1:2. Asadbek Sobirjonov 88, - 1:3 (Aziz Xolmurodov). "Qo‘qon-1912": 13.Azizxon Isaqov, 4.Asliddin Toshtemirov (20.Iqboljon Malikjonov, 19), 5.Jasurbek Yoqubov, 6.Alisher Salimov, 7.Shota Gvazava (9.Javohir Husanov, 88), 8.Baxtiyorjon Qosimov, 11.Shahzod Beshimov (18.Bahrom Abdurahimov, 88), 14.Jasur Xolto‘rayev (69.Yegor Kondratyuk, 65), 19.Shahzod Akramov, 22.Muhammadanas Hasanov, 44.Andro Giorgadze. Zaxira: 1.Rustam Nortojiyev, 10.Husniddin G‘ofurov, 15.Zafar Hakimov, 23.Bekjon Jo‘raboyev, 30.Ibrohimjon Muxtorov. OKMK: 1.Humoyunshoh Sayyotov, 4.Mirjamol Qosimov (99.Asadbek Sobirjonov, 64), 6.Avazbek O‘lmasaliyev, 7.Dilshodbek Ahmadaliyev, 9.Kleydi Datsi (8.Aziz Xolmurodov, 46), 10.Xurshid G‘iyosov, 15.Oybek Rustamov, 19.Ahmadullo Muqumjonov (16.Naoaki Senaga, 64), 20.Islom To‘xtaxo‘jayev, 28.Arixiro Sentoku (11.Ruben Sanches, 46), 77.Nodirbek Abdurazzoqov. Zaxira: 31.Muhammad Ubaydullayev, 5.Giorgi Papava, 13.Eldorbek Begimov, 23.Ajak Riak, 90.Abubakr Rizo Turdialiyev. Ogohlantirish: Kleydi Datsi 34.

9 may kuni O‘zbekiston Superligasining 9-turiga start beriladi. Ushbu turda bir qator muhim va qaynoq uchrashuvlar rejalashtirilgan. Andijondagi markaziy o‘yinda "Andijon" hamda "Neftchi" o‘rtasidagi vodiy derbisi katta qiziqish uyg‘otmoqda. "Andijon" jamoasi murabbiy almashinuvidan keyin derbiga tayyorgarlikni Artyom Petrosyan boshchiligida olib boryapti. Ammo muxlislar uchun so‘nggi yangilik – "Bobur Arena"dagi 15 sektorning yopilishi stadion to‘lmasligiga sabab bo‘ladi. Samarqandda "Dinamo" va "Surxon" jamoalari to‘qnash keladi. Ikkala jamoa ham hujumkor futbolni xush ko‘radi va hozircha mag‘lubiyatni tatib ko‘rmagan "Dinamo" bu bahsda ham g‘alabani maqsad qilgan. 10 may kuni Qo‘qonda "Qo‘qon-1912" OKMKni qabul qiladi. Bu o‘yinda har ikki jamoa yuqori kayfiyatda va qat’iyat bilan maydonga tushishi kutilmoqda. Shu kuni "Nasaf" – "Bunyodkor" o‘yini ham markaziy bahslardan biri bo‘ladi. Amaldagi chempion o‘z uyida yo‘qotishni istamaydi. Toshkentliklar esa oxirgi mag‘lubiyatni unutish uchun bor kuchi bilan harakat qilishadi. "Paxtakor" o‘z uyida "Buxoro"ni qabul qiladi. Jamoaning bosh murabbiyisiz tushishi kutilmoqda. Kamoliddin Tojiyev vaqtincha boshqaruvni o‘z qo‘liga olgan. "Sherlar" uchun bu o‘yinda yutqazish qabul qilib bo‘lmaydigan natijaga aylangan. 11 mayda Namanganda "Navbahor" – "Xorazm" o‘yini bo‘lib o‘tadi. Urganchliklar kuchlilarga qarshi yaxshi o‘ynay oladi, ammo Namanganda maydon sohibi bo‘lish oson emas. "Mash’al" – "Qizilqum" to‘qnashuvi teng jamoalarning kurashi bo‘ladi. Har ikki klubda ham 10 ochko mavjud. G‘alabani qaysi jamoa ko‘proq xohlasa, o‘sha yutqazmasligi mumkin. Jizzaxda "So‘g‘diyona" va "Sho‘rtan" o‘yini bilan tur yakunlanadi. Ikkala klubda ham bosim va barqarorlik yetishmovchiligi bor. "So‘g‘diyona"da ham natijalar muvaffaqiyatli emas. "Sho‘rtan" esa hali g‘alabaga erishmagan jamoa sifatida maydonga tushadi. Eldor Moyliyev vaqtincha bosh murabbiy sifatida jamoaga rahbarlik qiladi. Bu turda jamoalar o‘z nufuzi va imkoniyatlarini namoyon qilishga intilmoqda. Janglar va kurashlar olamida qaysi jamoa mahorat bilan ajralib chiqadi – buni yaqin kunlarda bilib olamiz.

Superliganing 8-turidan o‘rin olgan «Bunyodkor» va «Qo‘qon-1912» jamoalari o‘rtasidagi bahsda mezbonlar 1:2 hisobida imkoniyatni boy berdi. O‘yindan keyingi vaziyat yuzasidan «qaldirg‘ochlar»ning 21 yoshli yarim himoyachisi Asadbek Rahimjonov o‘z fikrlari bilan o‘rtoqlashdi. «Har qanday uchrashuvga bo‘lgani kabi bugun ham faqat g‘alaba qozonish maqsadi bilan maydonga tushgandik. Biroq bugun taqdir bizga yor bo‘lmadi. Nasib qilmagan ekan. Menimcha, bugungi mag‘lubiyatimiz ehtiyotkor o‘ynaganimiz tufayli yuz berdi, deb hisoblamayman. O‘yinni o‘zingiz ham ko‘rdingiz: hakamlar yo‘q joydan penalti belgilab, raqibga imkoniyat yaratib berishdi. Albatta, o‘zimiz ham ayrim vaziyatlarda jiddiy xatolarga yo‘l qo‘ydik. Mag‘lubiyat jamoamizning ruhiyatiga hech qanday ta’sir o‘tkazmaydi. Bizda ruhiy tayyorgarlik mustahkam, ko‘tarinki kayfiyatda qolamiz. Futbolda bu kabi vaziyatlar tez-tez yuz berib turadi. Bugun g‘alaba qozongan jamoa ertaga mag‘lubiyatga uchrashi mumkin. Bunday natijalar bizga salbiy ta’sir emas, balki muhim dars bo‘ladi», – dedi Asadbek Rahimjonov.

Superliganing 8-tur doirasida bo‘lib o‘tgan “Bunyodkor” – “Qo‘qon-1912” (1:2) uchrashuvidan so‘ng, mezbonlar hujumchisi Temurxo‘ja Abduxoliqov o‘yindan keyingi fikrlari bilan baham ko‘rdi. Taҗribali futbolchi mag‘lubiyatda o‘zining ham aybdor ekanini ochiq tan oldi. “Bu mag‘lubiyat uchun mas’uliyatni o‘z zimmamga olaman. Achinarlisi shundaki, biz o‘yinda jilovni hakamga berib qo‘ydik. Buning oqibati shunday yakun bilan tugadi”, — dedi Abduxoliqov. “Qo‘qon” vaqtni cho‘zdi, biz esa g‘alaba uchun kurashdik” Futbolchining fikricha, “Bunyodkor” bahsni faqat g‘alaba uchun o‘tkazgan, “Qo‘qon-1912” esa durangni saqlab qolish niyatida harakat qilgan. U o‘yinda raqib tomonidan vaqt o‘tkazishga urinishlar ko‘p bo‘lganini alohida qayd etdi. “Biz yutmoqchi bo‘ldik, raqib esa ko‘proq natijani ushlab qolishni maqsad qilgandi. Qo‘qonliklarning vaqt cho‘zishga qaratilgan harakatlarini ko‘rdik. Omadimiz kelmadi, ba’zi vaziyatlarda baxtsiz tasodiflar ham o‘z so‘zini aytdi. Lekin bu — futbol. Har doim ham ustun o‘ynagan jamoa g‘alaba qozonavermaydi”, — deya ta’kidladi 33 yoshli hujumchi. “Yo‘qotganimiz yo‘q — yo‘l davom etadi” Temurxo‘janing so‘zlariga ko‘ra, jamoa uchun bu mag‘lubiyat hali hech qanday hal qiluvchi ahamiyatga ega emas. U jamoa kayfiyatiga ta’sir o‘tkazishga yo‘l qo‘ymaslik lozimligini aytdi. “Biz bu o‘yinda hech narsa yo‘qotmadik. Futbolda shunday pallalar bo‘ladi. Endi e’tiborni keyingi o‘yinga qaratamiz. Bugun biz maydonda barcha kuch-g‘ayratimizni berdik. Aslida shu eng muhimi — kurashishdan, harakat qilishdan to‘xtamaslik.” Abduxoliqovning so‘zlari jamoa ruhiyatida hali ham kurashuvchanlik va ishonch saqlanayotganini ko‘rsatadi. Siz nima deb o‘ylaysiz — “Bunyodkor” kelgusi turda xatoni to‘g‘rilab, qayta tiklana oladimi?

2-4 may kunlari Superligada 8-tur o‘yinlari o‘tkaziladi. Rejalashtirilgan 8 ta o‘yin ham o‘ziga xos intrigalarga sabab bo‘lmoqda. Har bir uchrashuvga e’tibor chindan yuqori. Quyida ushbu juftliklar o‘rtasida bo‘lib o‘tadigan o‘yinlar haqida mutaxassis fikrlari bilan tanishishingiz mumkin. 2 may 18:15. “Xorazm” – “Nasaf” Turni “Xorazm” – “Nasaf” qarama-qarshiligi boshlab beradi. Jizzaxda bo‘lib o‘tadigan bahsda “Xorazm” nominal mezbon vazifasida bo‘ladi. Qiziqarli intriga. Hakim Fuzaylov jamoasi oxirgi bor ikkinchi turda “Surxon” ustidan g‘alaba qozongan. Shundan beri ular muxlislarini xursand qila olmayapti. “Nasaf” ushbu uchrashuv favoriti hisoblanadi. “Xorazm” bu o‘yinda durang o‘ynasa ham ijobiy natija sifatida qabul qilinishi tabiiy. 20:30. “Bunyodkor” – “Qo‘qon-1912” Ilyos Zeytullayev jamoasi yaxshi taassurot qoldiryapti. O‘tgan turda mag‘lubiyat nimaligini bilmay kelayotgan OKMKni mag‘lub etishdi. “Bunyodkor” ham hali chempionatda yutqazgani yo‘q. Pro ligadan Superligaga qaytgan jamoalar orasida “Qo‘qon-1912”ning o‘yini ancha tajovuzkor ko‘rinyapti. Shu bois “Bunyodkor” maydonida keskin ruhdagi uchrashuv guvohiga aylanamiz. Kichik ustunlik esa mezbonlarda. 3 may 18:00. “Buxoro” – “Mash’al” O‘tgan yili pro ligada kurash olib borishgan bu ikki klub endi Superligada o‘zaro to‘qnash keladilar. “Buxoro” o‘tgan turda Namanganda yirik hisobda imkoniyatni boy bergach, bosh murabbiy Ulug‘bek Baqoyev rahbariyatdan iste’fo so‘rashi haqida matbuot anjumanida aytib o‘tgandi. Ammo hozircha bu narsa ro‘y bermadi va uning o‘zi jamoani o‘yinga tayyorlamoqda. “Mash’al”ga qarshi uchrashuvda “Buxoro”ni g‘alabadan boshqasi qanoatlantirmaydi. Muborakliklar ham sovg‘a emas. Imkoniyatlar teng baholanmoqda. 19:30. OKMK – “Andijon” Bizni yana bir qiziqarli bellashuv kutmoqda. Oxirgi paytlarda mag‘lubiyatlar girdobiga tushib qolgan “Andijon” bu safar Olmaliqda Mirjalol Qosimov boshchilik qilayotgan OKMKga qarshi maydonga tushadi. Bu o‘yinda jamoalarning ruhiy tayyorgarligi asosiy o‘ringa chiqadi. O‘tgan turda ikkalasi ham mag‘lubiyatga uchrashdi. Muxlislarni juda keskin ruhdagi bellashuv kutmoqda. 20:15. “Surxon” – “Paxtakor” Turning markaziy uchrashuvlaridan biri desak adashmagan bo‘lamiz. “Paxtakor” omadsiz startdan keyin endi o‘ziga kelayotganga o‘xshayapti. Biroq ularni Termizda og‘ir o‘yin kutayotganiga shubha yo‘q. “Surxon”da ham, “Paxtakor”da ham chempionatda hozirgacha 4 ta mag‘lubiyat bor. “Surxon” o‘z uyida kuchli raqibga qarshi ochiq jang taklif qiladimi yoki yopiq o‘yin ko‘rsatib, qarshi hujumlardan omadini izlaydimi? “Paxtakor” esa hujumkor o‘yin ko‘rsatishi aniq. Hozircha imkoniyatlar teng! 4 may 18:00. “Neftchi” – “So‘g‘diyona” Vitaliy Levchenko jamoasi bu safar Ivan Boshkovich boshchiligidagi “So‘g‘diyona”ga qarshi bahs olib boradi. Jiddiy o‘yin bo‘ladi. Chempionlik uchun kurashayotgan “Neftchi” o‘tgan safar uyida “Paxtakor”ga 0:4 hisobida mag‘lubiyatga uchragach, muxlislarini qattiq ranjitib qo‘ygandi. Farg‘onaliklarning o‘tgan turda Samarqandda “Dinamo”ga qarshi bo‘lib o‘tishi kerak bo‘lgan uchrashuvi qoldirilgan. Levchenko jamoasi bor e’tiborini “So‘g‘diyona” bilan o‘yinga qaratgan. Bu safar ham ochko yo‘qotsa Levchenkoga yana tanqid toshlari otiladi. Lekin Boshkovich jamoasini yengish oson ish emas. 19:00. “Qizilqum” - “Navbahor” Nihoyat, “Qizilqum” jamoasi o‘z uyiga – Navoiyga qaytmoqda. 4 may kuni “Navbahor”ga qarshi bellashuv “Yoshlar sport majmuasi”da bo‘lib o‘tadi. “Qizilqum” o‘tgan turda Qarshida “Nasaf”dan javobsiz 4 ta gol o‘tkazib yuborgandi. Bu safar esa o‘z uyidagi ochilish o‘yinida navoiyliklar ishqibozlari ko‘z o‘ngida ijobiy natija uchun bor kuchini sarflashi shubhasiz. 20:15. “Sho‘rtan” – “Dinamo” Superligada g‘alaba qozonmagan birgina “Sho‘rtan” qoldi. To‘g‘ri, yaqinda O‘zbekiston Kubogi guruh bosqichida "Sho‘rtan" "Olimpik"ni qabul qilib 3:0 hisobida ustun keldi. Lekin hali chempionatda bunday ishni uddalay olmayapti. Anvar Berdiyev jamoasi bu mavsumda hali mag‘lubiyatga uchramagan “Dinamo”ni yengishga urinib ko‘radi. G‘uzorliklar o‘z uyiga qaytdi va muxlislari ko‘z o‘ngida o‘ynaydi. Lekin Vadim Abramov jamoasi ancha xavfli va hujumkor o‘yin namoyish qilyapti. Tajriba borasida “Dinamo” ustunroq. “Sho‘rtan” esa katta ishtiyoq evaziga nimagadir erishishi mumkin, qolganini vaqt ko‘rsatadi.

Superliganing 7-turidan o‘rin olgan "Mash’al" - "Surxon" (0:0), "So‘g‘diyona" – "Andijon" (1:0) va "Qo‘qon-1912" – "Xorazm" (1:0) bellashuvlari yakuniga yetdi. Mazkur bahslardagi xavfli vaziyatlar va kiritilgan gollarni quyidagi videolar orqali ko‘rishingiz mumkin. Superliganing 7-turidan o‘rin olgan "Mash’al" - "Surxon" bahsida darvozalar ishg‘ol etilmadi va jamoalar durangga imzo chekdi - 0:0. Shu tariqa, jamoalar bir ochkodan bo‘lishib oldi. “Mash’al” — “Surxon” 0:0 "Mash’al": 1. Umidjon Hamroyev, 5. Samandar Ochilov, 6. Javohir Abdualimov, 8. Sardor Abduraimov (19. Islom Sharipov,63), 17. Anvar Murodov ( 37. Sherzod Fayziyev, 90+3) 10. Humoyun Murtozayev ( 30. Shohnazar Norbekov, 81), 15. Muhammadali Aliqulov, 22. Nurjahon Muzaffarov, 24. Avazxon Mamatxo‘jayev, 28. Ergash Ismailov, 96. Ibrohim No‘monov. Zaxira: 35. Dostonbek To‘xtaboyev, 2. Mudasiru Salifu, 7. Islombek Baratov,18. Dilshod Rahmatullayev, 34. Shahboz Jo‘rayev. "Surxon": 1. Artyom Potapov, 3. Sunnatulloh Hamidjonov, 5. Jamaliddin Xojaniyazov, 6. Behzod Shamsiyev, 7. Dostonbek Tursunov, 9. Kirill Kolosnichenko (99. Sunnatilla Poyonov, 65), 19. Muhammad-Ali Abdurahmonov (11. Abdug‘afur Haydarov, 65), 24. Sherzodjon Komilov (, 18. Nodirbek Abduxalikov, 57), 66. Behro‘z Shaydulov, 77. Asadbek Karimov ( 27. Asilbek Jumayev, 57), 88. Dmitriy Kratkov (15. Diyor Ramazonov, 89). Zaxira: 86. Davron Merganov, 2. Behruzjon Karimov, 14. Sarvar Abduhamidov, 26. Behruz Shukurullayev. Ogohlantirish: Jamaliddin Xojaniyazov ("Surxon") 59 Superliga 7-tur doirasidagi "So‘g‘diyona" – "Andijon" o‘yinida mezbonlar Suhrob Izzatovning 58-daqiqada kiritgan goli evaziga 1:0 hisobida muhim g‘alabaga erishdi. "So‘g‘diyona" – "Andijon" 1:0 Gol: 1:0 – 58, Suhrob Izzatov (Xondamir Mustafoqulov) "So‘g‘diyona": 21.Muhammadyusuf Sobirov, 2.Zoir Jo‘raboyev, 3.Islomjon Qobilov, 4.Otabek Ahadov, 7.Xondamir Mustafoqulov, 14.Lyupcho Doriyev, 19.Javohir Qahramonov, 23.Sardorbek Hoshimov (5.Behruz Jumatov, 82), 28.Stanislav Andreyev (34.Dilshodbek Misiraliyev, 77), 32.Nodir Soyibov, 99.Umidbek Sultonov (8.Suhrob Izzatov, 57). Zaxira: 1.Shoxrux Isoqov, 6.Samandar Sindarov, 11.Sahob Rashidov, 18.Oybek Nurmatov, 20.Fazliddin Omonkeldiyev, 42.Sardorbek Erkinov. "Andijon": 1.Eldor Adhamov, 4.Islombek Mamatkazin, 5.Abdulvohid G‘ulomov, 6.Altin Kreziu, 7.Rustam Turdimurodov (11.Islam Mashukov, 70), 8.Iskandar Shayqulov (18.Damir Temirov, 46), 9.Mirzad Mexanovich (22.Usmonali Ismonaliyev, 87), 13.Sardorbek Azimov (23.Doniyor Abdumannopov, 70), 33.Oleg Zoteyev (s), 66.Miomir Durikovich, 71.Bektemir Abdumannonov. Zaxira: 25.Valijon Rahimov, 10.Ilhomjon Abdug‘aniyev, 14.Abdurahmon Komilov, 17.Farhod Sohibjonov, 32.Luka Uskokovich. Ogohlantirishlar: Miomir Durikovich (1), Iskandar Shayqulov (11), Otabek Ahadov (25), Nodir Soyibov (45+2), Ivan Boshkovich (90+4) Superliganing 7-tur bahslarini ochib bergan "Qo‘qon-1912" - "Xorazm" bellashuvida mezbonlar 1:0 hisobidagi kichik g‘alabani qo‘lga kiritdi. Bahsdagi yagona golga penaltidan unumli foydalangan Shahzod Beshimov 44-daqiqada mualliflik qildi. "Qo‘qon-1912" – "Xorazm" 1:0 Gol: Shahzod Beshimov penalti 44' "Qo‘qon-1912": 13.Azizxon Isaqov, 4.Asliddin Toshtemirov, 6.Alisher Salimov, 7.Shota Gvazava, 8.Baxtiyorjon Qosimov, 11.Shahzod Beshimov (14.Jasur Xolto‘rayev, 90+4), 19.Shahzod Akramov, 22.Muhammadanas Hasanov (18.Bahrom Abdurahimov, 83), 23.Bekjon Jo‘raboyev (9.Javohir Husanov, 90+4), 44.Andro Giorgadze, 69.Yegor Kondratyuk (5.Jasurbek Yoqubov, 80). Zaxira: 1.Rustam Nortojiyev, 10.Husniddin G‘ofurov, 15.Zafar Hakimov, 17.Alisher Xayrullayev, 30.Ibrohimjon Muxtorov. "Xorazm": 12.Sardor Qobuljonov, 5.Dilshod Jo‘rayev, 8.Xazratjon Tursunqulov (22.Sanjar Shoahmedov, 79), 10.Murodbek Bobojonov (99.Shahrom Samiyev, 67), 11.Humoyunmirzo Iminov (9.Jasur Azimov, 79), 15.Vladimir Bubanya, 27.Ixtiyor Toshpo‘latov, 44.Dostonbek Tursunov, 77.Sunnatulla Abdullajonov (7.Temurbek Ismailov, 67), 88.Abror Xo‘sinov (66.Ilhomjon Alijonov, 39), 94.Rustamjon Abduhamidov. Zaxira: 1.Mashhurjon Muhammadjonov, 3.Ravshanbek Sultanov, 18.Fransis Narx, 20.Danila Yejov. Ogohlantirishlar: Bekjon Jo‘raboyev (34), Rustamjon Abduhamidov (50), Ilhomjon Alijonov (63), Alisher Salimov (72), Dilshod Jo‘rayev (90+7).

O‘zbekiston Superligasi doirasida "Buxoro" hamda "Bunyodkor" jamoalari o‘zaro bahs olib bordi. Mazkur o‘yinda "qaldirg‘ochlar" 2:0 hisobida zafar quchdi. Franke Ikich 78-daqiqada avtogol urgan bo‘lsa, 87-daqiqada Boburbek Yo‘ldoshev hisobdagi farqni ikkitaga yetkazib qo‘ydi. “Buxoro” — “Bunyodkor” 0:2 4 aprel 2024 yil. Toshkent, "Bunyodkor" stadioni. 18:00 Gollar: Frane Ikich 78 avtogol, - 0:1. Boburbek Yo‘ldoshev 87, - 0:2 (Marko Bugarin). Futbol bo‘yicha O‘zbekiston Superligasining 4-turidan o‘rin olgan qoldirilgan “Surxon” — “Qo‘qon-1912” uchrashuvi 4 aprel, juma kuni bo‘lib o‘tdi. Uchrashuvning 37-daqiqasiga kelib Muhammadali Abdurahmonov hisobni ochdi. Shundan so‘ng qo‘qonliklar ko‘plab hujumlar uyushtira boshladi. Ammo birinchi bo‘limda boshqa hisob o‘zgarmadi. Ikkinchi bo‘lim avvalida esa “Qo‘qon-1912” bir kishi kam bo‘lib qoldi. Husniddin G‘ofurov qizil kartochka olib maydonni tark etdi. 74-daqiqada esa qo‘qonliklar hisobni tenglashtirdi. Muhammadanas Hasanovning goli oradagi muvozanatni tikladi. Biroq oradan 6 daqiqa o‘tar-o‘tmas aynan Hasanov qizil kartochka oldi va maydondan chetlatildi. 90+3 daqiqaga kelib esa Diyor Ramazonov gol urib, jamoasini hisobda oldinga olib chiqdi. 90+7-daqiqada esa Asadbek Karimov hisobni ikkitaga oshirdi. “Surxon” — “Qo‘qon-1912” 3:1 Gollar: 1:0 — 37, Muhammadali Abdurahmonov, 1:1 — 74, Muhammadanas Hasanov, 2:1 — 90+3, Diyor Ramazonov, 3:1 — 90+7, Asadbek Karimov.

Superliganing 4-turidan o‘rin olgan “Surxon” – “Qo‘qon-1912” jamoalari o‘rtasidagi uchrashuvdan so‘ng mezbonlar ustozi Fevzi Davletov matbuot anjumanida ishtirok etdi. - Avvalambor, futbol ishqibozlari jangovar futbolni ko‘rishga muvaffaq bo‘lishdi. Ushbu uchrashuvda biz albatta g‘alabaga yaqinroq bo‘ldik. Birinchi bo‘limda o‘yinni yaxshi o‘tkazdik. Bundan tashqari, o‘yin uchun berilgan reja va taktik ko‘rsatmalar bajarildi. Lekin ikkinchi bo‘limda gol o‘tkazib yuborganimizdan so‘ng bu biz uchun xavotirli bo‘ldi. Standart vaziyatda xato qildik. Shunga qaramasdan hujumga o‘tdik, raqibni pozitsiyalar bo‘yicha o‘rgandik va biz yana ikkita gol urishga muvaffaq bo‘ldik. - Bosim bor edi, qiyin g‘alaba. Chunki mag‘lubiyatlardan so‘ng hamma g‘alabani kutgandi. Jamoa 1:0 hisobida oldinda borayotganda taktik o‘zgarishlarga qo‘l urdingiz. 1:1 bo‘layotganda himoyachini o‘zgartirdingiz. - Nodir Ne’matxonovda kichik jarohat bor edi. Natijada bu futbolchini almashtirishga majbur bo‘ldik. Qanotlar bo‘yicha esa o‘zgartirdik, kuchaytirdik va tezlik qo‘sha oldik. Bu bizni oldindan o‘ylab qo‘ygan rejamiz edi. O‘ylaymanki, bu o‘zgarishlar bizga yordam berdi va gollar ura oldik. - Murabbiylik faoliyatingiz davomida bu yil muxlislar tomonidan sizga e’tirozlar bor edi. Bu g‘alabadan so‘ng ishqibozlarga nima degan bo‘lardingiz? - Muxlislar har qanday holatda ham, hatto og‘ir vaziyatlarda ham jamoaga ishonishlari kerak. Jamoaga kelsak, bizda bo‘lgan xatolar ustida ishlayapmiz va ularni tuzatishga harakat qilyapmiz. - Nega bugun Jahongir Abdusalomov maydonda bo‘lmadi? - Abdusalomov kasal bo‘ldi. O‘tgan o‘yinda “Bunyodkor”ga qarshi bahsda ham o‘zini unchalik yaxshi his qilmagan edi. O‘sha paytda uni maydonga tushirmaslik kerak, deb hisoblayman. Lekin u o‘zi o‘ynashga tayyorligini bildirgandi va maydonga chiqdi. Shuningdek, Dmitriy Pletnyovda ham jarohat bor, ammo biz keyingi o‘yinga qadar u tayyor bo‘ladi, deb o‘ylaymiz.

Futbol bo‘yicha O‘zbekiston Superligasining 4-turidan o‘rin olgan qoldirilgan uchrashuv 4 aprel, juma kuni bo‘lib o‘tdi. Uchrashuvning 37-daqiqasiga kelib Muhammadali Abdurahmonov hisobni ochdi. Shundan so‘ng qo‘qonliklar ko‘plab hujumlar uyushtira boshladi. Ammo birinchi bo‘limda boshqa hisob o‘zgarmadi. Ikkinchi bo‘lim avvalida esa “Qo‘qon-1912” bir kishi kam bo‘lib qoldi. Husniddin G‘ofurov qizil kartochka olib maydonni tark etdi. 74-daqiqada esa qo‘qonliklar hisobni tenglashtirdi. Muhammadanas Hasanovning goli oradagi muvozanatni tikladi. Biroq oradan 6 daqiqa o‘tar-o‘tmas aynan Hasanov qizil kartochka oldi va maydondan chetlatildi. 90+3 daqiqaga kelib esa Diyor Ramazonov gol urib, jamoasini hisobda oldinga olib chiqdi. 90+7-daqiqada esa Asadbek Karimov hisobni ikkitaga oshirdi. Ushbu g‘alaba “Surxon” uchun mavsumdagi birinchisi bo‘ldi. “Surxon” — “Qo‘qon-1912” 3:1 Gollar: 1:0 — 37, Muhammadali Abdurahmonov, 1:1 — 74, Muhammadanas Hasanov, 2:1 — 90+3, Diyor Ramazonov, 3:1 — 90+7, Asadbek Karimov. "Surxon": 1.Artyom Potapov, 3.Sunnatulloh Hamidjonov, 4.Nodirxon Ne’matxonov (5.Jamaldin Xodjaniyazov, 79), 6.Behzod Shamsiyev, 7.Dostonbek Tursunov (77.Asadbek Karimov, 68), 18.Nodir Abdixoliqov, 19.Muhammad Ali Abdurahmonov (11.Abdug‘afur Haydarov, 60), 21.Muhammadyusuf Mirqodirov, 27.Asilbek Jumayev (15.Diyor Ramazonov, 68), 66.Behruz Shaydulov, 99.Sunnatilla Poyonov (9.Kirill Kolesnichenko, 60). Zaxira: 16.Dilshod Yo‘ldoshev, 2.Behruzjon Kaimov, 26.Behruz Shukurullayev, 88.Dmitriy Kratkov. "Qo‘qon-1912": 13.Azizxon Isoqov, 4.Asliddin Toshtemirov, 6.Alisher Salimov, 8.Baxtiyor Qosimov, 10.Husniddin G‘ofurov, 11.Shahzod Beshimov, 14.Jasur Xolto‘rayev (69.Yegor Kondratyuk, 34) (17.Alisher Xayrullayev, 83), 19.Shahzod Akramov, 20.Iqboljon Malikjonov (23.Bekjon Jo‘raboyev, 65), 22.Muhammadanas Hasanov, 44.Andro Giorgadze. Zaxira: 1.Rustam Nartadjiyev, 5.Jasur Yoqubov, 9.Javohir Husanov, 15.Zafar Hakimov, 18.Bahrom Abdurahimov, 30.Ibrohimjon Muxtorov. Ogohlantirishlar: Yegor Kondratyuk 57, Diyor Ramazonov 90+6, Shahzod Beshimov 90+6, Asadbek Karimov 90+7. Chetlatishlar: Husniddin G‘ofurov 52, Muhammadanas Hasanov 80. Foto: O‘zPFL matbuot xizmati

4 aprel kuni Superliganing 4-turi boshlanadi va 6 aprelga qadar davom ettiriladi. Faqat bu safar 7 ta juftlik ishtirokidagi uchrashuvlarga guvoh bo‘lamiz. “Qizilqum” – “Xorazm” uchrashuvi boshqa muddatga qoldirildi. 4 aprel. 18:00. “Buxoro” – “Bunyodkor” Boshlanishi B harfi bilan yuritiladigan jamoalar ishtirokidagi bellashuv o‘ziga xos ahamiyatga ega. “Bunyodkor” klubi mag‘lubiyatsiz odimlamoqda va hisobida 7 ochko bor. “Buxoro” garchi mag‘lubiyat bilan boshlagan bo‘lsa-da, keyingi ikkita turda ishonchli g‘alabalarga erishdi. Har ikki klub joriy mavsumda o‘zlaridan yaxshi taassurot qoldirishayotgani e’tiborga molik. “Buxoro” ham, “Bunyodkor” ham jangovar o‘yin namoyish etishmoqda. Odatda, bu kabi jamoalar o‘rtasidagi o‘yin g‘oyat shiddatli hamda qiziqarli ruhda o‘tadi. 20:15. “Surxon” – “Qo‘qon-1912” Ikkala jamoa ham chempionatda hozircha g‘alaba nimaligini bilmayapti. Pro ligadan qaytgan qo‘qonliklarda g‘alaba bo‘lmaganiga yarasha mag‘lubiyat ham yo‘q. Uchta o‘yinda uchta durang o‘ynashdi. “Surxon”da esa natijalar yomon. Barcha o‘yinda mag‘lubiyatga uchradi. Bu safar termizliklar uchun yana bir imkoniyat. O‘z maydonida, muxlislari qarshisida maydonga tushishadi. “Qo‘qon-1912” ilk bor olis safarga chiqadi. Bungacha uchta turni asosan o‘z hududida o‘tkazdi. Ikki marta Qo‘qonda va bir marta Farg‘onada “Neftchi”ga qarshi bahs olib bordi. “Surxon” ruhiy o‘raga tushib qolgani bois undan qutulishi qiyin bo‘lyapti. Qo‘qonliklar ham dastlabki g‘alabasi uchun kurashadi. Biroq “Surxon” maydonida bir ochko qo‘lga kiritadigan bo‘lsa ham buning uchun ular ortiqcha tanqid qilinmasa kerak. 5 aprel. 19:30. “Neftchi” – “Navbahor” Turning markaziy o‘yini. Farg‘onadagi “Istiqlol” stadionida vodiy derbisi bo‘lib o‘tadi. Chempionlik uchun asosiy da’vogarlardan sanalgan “Neftchi” uchta turda uchta durang o‘ynab qo‘ydi. “Navbahor” esa bir g‘alaba va ikki durangga ega bo‘lib turibdi. G‘alabaga tashna bo‘lib turgan farg‘onaliklarni endi durang qoniqtirmaydi. “Navbahor” o‘tgan turda ham vodiy derbisida ishtirok etgan va o‘z uyida “Andijon”ga qarshi uchrashuvda oxirgi daqiqada g‘alabani qo‘ldan chiqargan. Navbatdagi derbida endi farg‘onaliklarda bosim ko‘proq bo‘ladi. Shundoq ham har turda “Neftchi”da kuchli bosim sezilyapti va bu tabiiy. Bunday qimmatli va yulduzli tarkib bilan har bir o‘yinda g‘alaba qozonishi shart bo‘lib qolgan. Derbida hozircha imkoniyatlar teng. Qolganini o‘yinda ko‘ramiz. 20:15. “Sho‘rtan” – “Nasaf” Bu yoqda vodiy derbisi, u yoqda esa voha derbisi. “Sho‘rtan”ning uy arenasi ta’mirlanayotgani sababidan Qarshidagi “Markaziy” stadiondan foydalanyapti. Shu bois “Nasaf”ga qarshi bahsda “Sho‘rtan” nominal mezbon maqomida, “Nasaf” esa uyida “mehmon” rolida. Superligada gol urmagan birgina “Sho‘rtan” qoldi. Anvar Berdiyev jamoasi uchun navbatdagi uchrashuv yanada og‘ir o‘tishi ma’lum. Tarkib, o‘yin va nom jihatidan “Nasaf”ning favoritligiga hech kimda shubha yo‘q. “Sho‘rtan” o‘tgan turda Qo‘qonda dastlabki ochkosini qo‘lga kiritdi. Derbida jiddiy kurash kechadi, ammo tajriba ko‘p narsani hal qilsa kerak. 6 aprel 17:45. “Andijon” – “Mash’al” Uchta turda uchta durang o‘ynagan “Andijon” klubi bu safar Muborakning “Mash’al” jamoasini qabul qiladi. 2 aprel kuni “Mash’al” Toshkentda qoldirilgan o‘yin doirasida “Paxtakor”ga 5:0 hisobida yutqazdi va ular Andijonga qanday kayfiyatda kelishlarini tasavvur qilish qiyin emas. Aftidan, jamoa a’zolari 29 mart kuni Jizzaxda “So‘g‘diyona” ustidan qozonilgan g‘alabada (1:0) bor kuch va imkoniyatlarini ishga solib yuborgan ko‘rinadi. “Andijon” mavsumdagi birinchi g‘alabasini qo‘lga kiritish uchun yaxshi imkoniyatga ega. 18:00. “So‘g‘diyona” – “Paxtakor” Bu juftlik ham turning qiziqarli o‘tishi kutilayotgan bellashuvlardan biri. “So‘g‘diyona” kutilmaganda startni juda yomon boshladi va uchta turda uchta mag‘lubiyat! “Paxtakor” ham ikkita turda ikki marta yutqazib, yaxshi boshlay olmagandi. 2 aprel kuni 1-turning qoldirilgan uchrashuvi doirasida “Mash’al” bilan uchrashuvda bor alamini oldi va javobsiz 5 ta gol urdi. “Paxtakor”ga qarshi uchrashuvda maydonda chinakam jang bo‘ladi. “So‘g‘diyona”da garchi omadsizlik bo‘lsa-da, “Paxtakor”ga qarshi bellashuv uchun motivatsiya yetarli bo‘lsa kerak. Bu bahsda murabbiylarning taktikasi hamda tayyorgarligi ko‘p narsani hal qiladi. 20:15. OKMK – “Dinamo” Musobaqa peshqadami – OKMK bu safar Samarqandning “Dinamo”sini qabul qiladi. Uchta turda uchta g‘alabaga erishgan Mirjalol Qosimov jamoasini oson bo‘lmagan uchrashuv kutmoqda. Chunki Vadim Abramov har qanday raqibga qarshi himoyaga chekinadigan emas, balki hujumkor uslubni qo‘llaydi. Shu orqali ular Namanganda g‘alabani qo‘ldan chiqarib durang o‘ynadi. Uyida “Mash’al”ni, Toshkentda esa “Paxtakor”ni yutdi. O‘z navbatida samarqandliklar uchun OKMKga qarshi bo‘ladigan o‘yin og‘ir o‘tadi. Murabbiylar bir-birini yaxshi bilishadi. Tomoshabop o‘yin kechishi katta ehtimol.

Xabaringiz bor, kecha Superliganing 3-tur uchrashuvlari ham o‘z nihoyasiga yetdi. 4-tur uchrashuvlari esa 4 apreldan start olishi rejalashtirilgan bo‘lib, 6 aprelda o‘z nihoyasiga yetadi. Taqvim bilan batafsil tanishing. 4 aprel - "Buxoro" — "Bunyodkor". 18:00 - "Surxon" — "Qo‘qon-1912". 20:15 5 aprel - "Qizilqum" — "Xorazm". 18:00 - "Neftchi" — "Navbahor". 19:30 - "Sho‘rtan" — "Nasaf". 20:15 6 aprel - "Andijon" — "Mash’al". 17:45 - "So‘g‘diyona" — "Paxtakor". 18:00 - OKMK — "Dinamo". 20:15

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Mashhur turk aktrisasi Hande Erchel va tadbirkor Hakan Sabanji o‘rtasidagi munosabatlarga doir so‘nggi paytlarda ko‘plab mish-mishlar tarqalmoqda. Bu haqida Zamin.uz xabar berdi. Ayniqsa, juftlikning ajrashgani haqidagi xabarlar muxlislar orasida katta qiziqish uyg‘otdi. Gel Konuşalım dasturida ilk bor gapirgan Hakan Sabanji esa ularning munosabatlariga oid da’volarga o‘z munosabatini bildirdi. U shaxsiy hayoti haqida keng gapirishni istamagan bo‘lsa-da, ayrim gap-so‘zlarga aniqlik kiritdi. Hakan Sabanji ajralish masalasini muhokama qilishni istamasligini, chunki bu ularning shaxsiy hayotiga taalluqli ekanligini ta’kidladi. Shuningdek, u xiyonat haqidagi mish-mishlar mutlaqo asossizligini bildirdi. Oldinroq Hande Erchel ijtimoiy tarmoqlardagi sahifasidan Sabanji bilan tushgan barcha suratlarini o‘chirib tashlagan edi. Bu esa turk matbuotida ularning ajralgani haqidagi xabarlarga asos bo‘ldi. Mashhur jurnalist Birsen Altuntash juftlik orasida jiddiy kelishmovchilik borligini ta’kidlagan, ammo rasmiy ajrim hali sodir bo‘lmaganini ma’lum qilgan. Shunga qaramay, Hande va Hakan hanuz bir-birlariga ijtimoiy tarmoqlarda obuna bo‘lib qolishgan. Muxlislarning bir qismi ularning munosabatlari qayta tiklanishiga umid bildirsa, boshqalar esa bu jarayon shunchaki ommaviy axborot vositalari uchun reklama bo‘lishi mumkinligini taxmin qilmoqda.

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Vengriyaning Seksard shahrida noodatiy va qiziqarli voqea – qabr qazish bo‘yicha 18-xalqaro chempionat bo‘lib o‘tdi. Bu haqida Zamin.uz xabar berdi. Ushbu musobaqa mamlakatning Qabr qazuvchilar uyushmasi tomonidan aniq reja va tartib asosida tashkil etildi. Tadbir kasb sohasi nufuzini oshirishga xizmat qildi. Musobaqada ishtirokchilar ikki kishilik jamoalar shaklida qatnashdi. Ularga ikki soat vaqt berildi. Shu vaqt ichida har bir jamoa 200x80 santimetr o‘lchamda va 160 santimetr chuqurlikda qabr qazishi kerak edi. Ushbu qoidalar ishtirokchilardan nafaqat mahorat, balki diqqat va tezkorlikni ham talab qildi. Chempionat yakunida Parakletosz Nonprofit jamoasi g‘olib deb topildi. Bu jamoa ketma-ket ikkinchi yil chempionlikni qo‘lga kiritdi, bu ularning puxta tayyorgarligi va kasbiy darajasining yuqori ekanligini ko‘rsatdi. Tashkilotchilarning ta’kidlashicha, bunday musobaqalar kasb nufuzini oshirish bilan birga, yosh avlodni professional mutaxassislar bilan yaqindan tanishtiradi. Shuningdek, ishtirokchilarga jamoaviy hamkorlik va sog‘lom raqobat muhitida ishlash ko‘nikmalarini rivojlantirishga yordam beradi. Bu tadbirlar kasbiy malakani oshirish va sohani yanada rivojlantirish uchun muhim ahamiyatga ega.

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).

O‘zbekiston va Markaziy Osiyo mintaqasidagi hamkorlarga eʼtibor! Bu haqida Upl.uz xabar berdi. Toshkentdagi Xalqaro ko‘rgazmalar markazida yaqin kunlarda Xitoy va Markaziy Osiyo imkoniyatlarini birlashtiruvchi yirik tadbir ochiladi. 2025 yil 16-18 sentyabr kunlari O‘zbekistonda Xitoy-Markaziy Osiyo savdo ko‘rgazmasi kengaytirilgan formatda o‘tkazilib, sizga Xitoy bozoriga kirish imkoniyatlarini taqdim etadi. Ushbu ko‘rgazmada uchta asosiy yo‘nalish – yangi biznes imkoniyatlari taqdim etiladi. Texnologiyalar va ekologik rivojlanish bir joyda namoyish etiladi. Ko‘rgazmada Xitoyning ilg‘or yutuqlari, jumladan Gree kompaniyasining “Oilaviy intellektual yechimlari”, Hisense’ning “Ultraaniq displey texnologiyasi”, shuningdek, Zhejiang Hangcha va North Heavy Industry kabi yetakchi kompaniyalarning energiya tejamkor texnikalari va aqlli kon uskunalari taqdim etiladi. Tadbirda taxminan 200 dan ortiq yetakchi Xitoy kompaniyalari ishtirok etadi. Eksponatlar sensorli terminallardan tortib, biomimetik robotlar, sunʼiy intellekt asosidagi diagnostika va davolash tizimlarigacha bo‘lgan eng innovatsion sohalarni qamrab oladi. Ochilish kuni Xitoy va O‘zbekiston rasmiy idoralari vakillari, savdo-sanoat uyushmalari va kompaniyalar ishtirokida savdo va investitsiyalar bo‘yicha forum o‘tkaziladi. Maxsus maydonlarda brendlarni taqdim etish va soha bo‘yicha muzokaralar tashkil etiladi. Talablar va takliflar onlayn tarzda real vaqt rejimida eʼlon qilinadi, bu esa ko‘rgazma davomida to‘g‘ridan-to‘g‘ri xarid va hamkorlikni boshlash imkonini beradi. Shuningdek, tadbir doirasida Xitoy madaniyatini yaqinroq tanish uchun milliy imidj zonasi tashkil etiladi. Bu yerda kaligrafiya ustaxonasi, choy marosimi va qog‘oz kesish sanʼati bo‘yicha mahorat darslari o‘tkaziladi, bu esa tashrif buyuruvchilarga Xitoy madaniyati muhitini his qilish imkonini beradi. Ko‘rgazmada oltita asosiy yo‘nalish va milliy imidj zonasi namoyish etiladi: aqlli ishlab chiqarish va sanoat uskunalari, yashil energetika va energiya saqlovchilar, elektron texnologiyalar, aqlli transport, ekologik qurilish materiallari hamda raqamli savdo va xizmatlar. Eng istiqbolli sohalar, jumladan yangi energiya manbalariga ega avtomobillar, mexanik uskunalar, ekologik qishloq xo‘jaligi, maishiy elektronika va raqamli xizmatlar keng ko‘lamda taqdim etiladi. Xitoy kompaniyalari so‘nggi yutuqlarini olib kelib, bevosita hamkorlikka tayyor ekanliklarini bildiradi. Siz texnologik yangilanishni izlayotgan korxona yoki Markaziy Osiyoda o‘z brendini kengaytirmoqchi bo‘lgan tashkilot bo‘lsangiz, ushbu ko‘rgazma 2025 yil uchun muhim biznes voqeangizga aylanadi. Sizni hamkorlikka taklif qilamiz. Keling, Xitoy va O‘zbekiston o‘rtasidagi yangi imkoniyatlarni ochaylik. Bu tadbir Markaziy Osiyo savdo tarixida muhim bosqich bo‘ladi. Siz tayyormisiz?