Corvette E-Ray endilikda haqiqiy yo‘l monsteri

Callaway Cars kompaniyasi gibrid Chevrolet Corvette E-Ray uchun yangi apgreydni e’lon qildi, deb SpeedMe sayti xabar berdi. Ushbu yangilanish avtomobilning quvvatini 200 ot kuchiga oshiradi. 2.9L Twin-Screw Gen4 kompressori o‘rnatish natijasida modelning quvvati 847 ot kuchiga va 871 Nm aylanish momentiga yetkazilgan. Bu esa E-Ray’ni standart versiyasiga nisbatan (650 ot kuchi) ancha kuchli qiladi.

Ushbu apgreyd Chevrolet Corvette C8 Stingray uchun ham taklif etiladi. Yangilangan versiya 60 mil/soat tezlikka 2,67 soniyada yetishi va 1/4 mil yo‘lakni 10,64 soniyada bosib o‘tishi mumkin. Callaway’ning TripleCooled sovutish tizimi va CalCal muhandislik sozlamalari yoqilg‘i samaradorligini minimal yo‘qotish bilan ta’minlaydi.

Callaway shuningdek eksklyuziv tyuning parametrlari ham taklif qiladi. Ular qatoriga aeroobves, Double-D ixcham chiqarish tizimi va kastomlangan disklari kiradi. Apgreyd narxi $1 000 depozitdan boshlanadi va faqat Callaway vakolatli dilerlarida mavjud.