Ford Motor kompaniyasi AQShda ikki alohida kampaniya doirasida 148 mingdan ortiq avtomobilni qaytarib olmoqda, deb xabar berdi Reuters va Finance.ua.
Ma’lumotlarga ko‘ra, 123 611 dona avtomobil tormoz suyuqligi sizib chiqish xavfi tufayli chaqirilyapti. Bu tormoz samaradorligini pasaytiradi va to‘xtash masofasini oshiradi. Bu chaqiriq 2017–2018 yillarda ishlab chiqarilgan Ford F-150, Expedition va Lincoln Navigator modellariga taalluqli.
Dilerlar bu muammoni bepul hal qilib, asosiy tormoz silindri yoki vakuum kuchaytirgichni almashtirib beradi.
Bundan tashqari, 2025-yilgi Explorer modellari bo‘yicha yana 24 655 dona avtomobil qaytarib olinadi. Ularning ayrimlarida harakat vaqtida kuch tizimi boshqaruv moduli (PCM) o‘z-o‘zidan qayta yuklanib, avtomatik to‘xtash tizimini ishdan chiqarishi yoki dvigatelni o‘chirib qo‘yishi mumkin.
Mazkur dasturiy nosozlik ham dilerlar tomonidan bepul tuzatiladi.
