2025 yil 2 iyun kuni Termiz shahrida “Cobalt” avtomobili yo‘ldan chiqib, kanalga tushib ketdi, deb UPL.uz xabar berdi.
Surxondaryo viloyati FVV matbuot xizmatiga ko‘ra, hodisa Termiz shahrining “Tinchlik” mahallasi hududida sodir bo‘lgan. Haydovchi ehtiyotsizlik tufayli boshqaruvni yo‘qotib, avtomobilni chap tomonga ag‘dargan.
Favqulodda vaziyatlar xizmati xodimlari tezda voqea joyiga yetib borib, guvohlar yordami bilan avtomobilni tiklashgan va so‘ngra UAZ xizmat mashinasi orqali chiqarib olishgan.
YTH natijasida hech kim jabrlanmagan. Biroq avtomobil katta texnik shikast olgan.
