O‘zbekistonning turli hududlarida jamoat transportining qulayligi va xavfsizligini oshirish maqsadida innovatsion yondashuvlar joriy etilmoqda. Bu haqida Upl.uz xabar berdi.
Xususan, Toshkent shahrida shahar transport tizimini modernizatsiya qilishga qaratilgan yirik infratuzilma loyihalari amalga oshirilmoqda. Ushbu islohotlar doirasida Xitoydan 300 million dollar miqdorida investitsiya jalb qilinmoqda.
Ushbu mablag‘lar yordamida 200 kilometr yo‘l ta’mirlanadi va to‘rtta ko‘prik quriladi. Bu esa shahar yo‘l tarmog‘ining sifatini sezilarli darajada yaxshilashga xizmat qiladi.
Shuningdek, poytaxt ko‘chalaridagi tirbandliklarni kamaytirish maqsadida aqlli transport axborot tizimi yo‘lga qo‘yiladi. Mazkur tizimga 700 dan ortiq Toshkentdagi chorrahalar ulanadi, barcha svetoforlar hamda foto va video kuzatuv kameralarini birlashtiradi.
Svetoforlar boshqaruvi real transport oqimiga muvofiq masofadan boshqariladi. Mutaxassislarning taxminiga ko‘ra, yangi tizim joriy etilgach, tirbandliklar 25-30 foizga kamayishi kutilmoqda.
Ushbu chora-tadbirlar yo‘l infratuzilmasining samaradorligini oshirish va shaharda harakatlanishni yanada qulay qilishga qaratilgan.
